مۇمكىن ەمەس, بىراق شىندىق

جوبا جەتەكشىسى, بيوتەحنولوگ حاشەم ءال-گايليدىڭ ايتۋىنشا, «BrainBridge» تۇجى­رىمداماسىنىڭ ءاربىر قادامى عىلىمي زەرتتەۋلەر نەگىزىندە مۇقيات ويلاستىرىلعان. ء«بىز­دىڭ ماقساتىمىز – جاساندى ينتەللەكتىنىڭ مۇمكىندىگىن بارىنشا پايدالانىپ, مەديتسينا عىلىمىنىڭ شەكاراسىن كەڭەيتۋ, سونداي-اق ومىرگە قاۋىپ توندىرەتىن جاعدايلارمەن كۇرەسۋ ءۇشىن يننوۆاتسيالىق شەشىمدەردى ۇسىنۋ. ەگەر تەح­نيكالىق-ەكونوميكالىق نەگىز­دە­مەلەر جاقسى ناتيجە بە­رىپ, كوماندا تولىق جينالسا, سەگىز جىل ىشىندە العاشقى وپەراتسيانى جۇرگىزۋدىڭ جول كارتاسىن جۇزەگە اسىرامىز. ءبىز بىرنەشە جىل بۇرىن ەلەس­تەتۋ مۇمكىن بولماعان مەدي­تسينالىق ءادىستى جاساۋعا سەنىمدى تۇردە ۋادە بە­رە­مىز», دەدى حاشەم ءال-گايلي.

ايتا كەتەيىك, وپەراتسيا تولىعىمەن جاسان­دى ينتەل­لەكت نەگىزىندە روبوتتار ار­قىلى جۇزەگە اسادى. ياعني قون­دىرعى ءبىر ۋاقىتتا ەكى دەنەگە قاتار وتا جاسايدى. دەگەنمەن, مۇنداعى باستى كە­دەر­گىلەردىڭ ءبىرى – ترانسپلان­تا­تسيا كەزىندە جۇيكە مەن ج ۇلىن­نىڭ زاقىم­دانىپ قالماۋى. ەگەر وسى جەردەن قاتەلەسسە, باسىن اۋىس­تىرعان كەز كەلگەن ادامنىڭ ءوزى مويىننان تومەن سال بولىپ قالادى.

قازىرگى ۋاقىتتا كومپانيا وسى كەدەرگىلەردى ەڭسەرۋ ءۇشىن الەمنىڭ تۇكپىر-تۇكپىرىنەن ەڭ ۇزدىك مامانداردى جيناپ جاتىر. ۇدەرىس مۇنىمەن توقتاپ قالمايدى, جوبا جەتەكشىسىنىڭ ايتۋىنشا, بەت ترانسپلانتا­تسيا­سىن جاساۋ دا جوسپارلانىپ وتىر. العاشقى تىركەلگەن باس ترانس­پلانتاتسياسى 1908 جىلى يتكە جاسالدى, بىراق ناتيجە بول­ماعان ەدى. ودان سوڭ دوكتور ۆلا­ديمير دەميحوۆ 1950 جىلدارى يتتەرگە باس ترانسپلانتا­تسياسىن ءساتتى جاسادى. بىراق وتا­دان كەيىن جانۋار جيىرما ءۇش كۇن عانا ءومىر ءسۇردى. 1970 جىل­دارى عالىم روبەرت ۋايت ماي­مىلدارعا باس ترانسپلان­تاتسياسىن جاسادى. سەگىز كۇن بويى جا­نۋاردىڭ جۇرەگى سوعىپ تۇر­عا­نىمەن, دەنەسىن قوزعالتا المادى.

وسىلاي! جاساندى ينتەل­لەك­تىنىڭ كەرنەۋى كۇننەن-كۇنگە كۇشەيىپ, ءسات سايىن نەبىر جاڭا­لىقتار اشىپ جاتىر. جاي جا­ڭا­­لىق ەمەس: تاڭعالدىرارلىق ءارى قورقىنىشتى...

«BrainBridge» جوباسىنىڭ اۆتورى بۇل جۇيە ەم­دەلمەي­تىن قاتەرلى ىسىك, التس­گەي­مەر جانە پاركينسون سياق­تى نەي­رودەگەنەراتيۆتى اۋرۋلار­دان زارداپ شەگەتىن ناۋقاستار­عا جاڭا ءۇمىت سىيلايتىنىن ايتادى.