قازاقستان پرەزيدەنتى قاسىم-جومارت توقاەۆ Indorama كورپوراتسياسى باسقارما توراعاسىنىڭ ورىنباسارى اميت لوحيانى قابىلدادى, دەپ جازادى Egemen.kz اقوردا ءباسپاسوز قىزمەتىنە سىلتەمە جاساپ.
پرەزيدەنت قاسىم-جومارت توقاەۆ قازاقستان-سينگاپۋر بيزنەس فورۋمى اياسىندا مۇناي حيمياسى ونىمدەرىن شىعاراتىن ءىرى كاسىپورىن – Indoramا كورپوراتسياسى باسشىلارىنىڭ ءبىرى اميت لوحيامەن كەزدەستى. سينگاپۋردا ورنالاسقان ازياداعى جەتەكشى حيميا ونەركاسىبى حولدينگىنىڭ 32 ەلدە 136-دان استام ءوندىرىس الاڭى بار. سونداي-اق الەمدەگى ەڭ ءىرى كومپانيالاردىڭ – Forbes Global 2000 تىزىمىنە كىرەدى.
پرەزيدەنتكە بەرىلگەن مالىمەت بويىنشا اتالعان كومپانيا جامبىل وبلىسىنداعى فوسفور كەن ورنى بازاسىندا تولىق تسيكلدى فوسفور تىڭايتقىشى ءوندىرىسىن اشۋ جونىندەگى ينۆەستيتسيالىق جوبانى جۇزەگە اسىرۋعا قىزىعۋشىلىق تانىتىپ وتىر.
بىلتىر ماۋسىم ايىندا Indorama كورپوراتسياسى ەلىمىزدە حيميا ونەركاسىبىن دامىتۋ ماقساتىندا احقو يۋريسديكتسياسىندا جاڭا كەن ورىندارىن يگەرەتىن Indorama Kazakhstan Mining ەنشىلەس ۇيىمىن تىركەدى.
مەملەكەت باسشىسى اگروونەركاسىپ سەكتورىندا مينەرالدى تىڭايتقىشتاردى قولدانۋ ماڭىزدى ەكەنىن اتاپ ءوتىپ, Indorama كورپوراتسياسىن ەلىمىزدىڭ اۋماعىندا حيميا ءوندىرىسىن اشۋ ءۇشىن ينۆەستيتسيا سالۋ پەرسپەكتيۆاسىن جان-جاقتى زەردەلەۋگە شاقىردى.