قۇلسارى قالاسىنىڭ سۋ باسقان اۋلالارىنان 10 توننادان استام قوقىس پەن تۇرمىستىق قاتتى قالدىقتار شىعارىلعان. «جىلىوي تازالىق جشس ۋچاسكەسىنىڭ باستىعى اسقار تەمىرجان ايتىپ وتكەندەي, اتالعان مەكەمە قىزمەتكەرلەرى سۋ باسقان ۇيلەردەن كۇنىنە 1,7 تونناعا دەيىن تۇرمىستىق قالدىقتاردى شىعارىپ وتىر, دەپ حابارلايدى Egemen.kz اتىراۋ وبلىسىنىڭ توتەنشە جاعدايلار جونىندەگى جەدەل شتابىنا سىلتەمە جاساپ.
تج رەجيمىن جويۋ بويىنشا جۇمىستار شەڭبەرىندە قۇلسارى تۇرعىندارى ۇيلەرىنەن ب ۇلىنگەن م ۇلىكتەردى اكەتۋ بويىنشا جۇمىستار جۇرگىزىلىپ جاتىر.
«كۇنىنە كوشەلەردەن 1,7 تونناعا دەيىن قوقىس جينالادى. مىندەتىمىز – ۇيلەر مەن اۋلالاردى قوقىستاردان تەز ارادا تازارتۋ. وسىلايشا, تۇرعىندار جوندەۋ جۇمىستارىن جۇرگىزىپ, تۇرعىن ۇيلەرىن رەتكە كەلتىرە الۋىنا جاعداي جاساۋ», دەيدى اسقار تەمىرجان.
قوقىستاردى جيناۋ جانە شىعارۋ جۇمىستارىنا 17 ارنايى تەحنيكا, 5 جۇك تيەگىش, «جىلىوي تازالىق» جشس-ءنىڭ 38 قىزمەتكەرى جۇمىلدىرىلدى. بەس بريگادا كۇن سايىن تاڭعى 8:00-دەن كەشكى 20:00-گە دەيىن جۇمىس ىستەپ جاتىر.