مەملەكەتتىك ءتىلدىڭ مارتەبەسىن كوتەرەدى

كوشى-قونعا قاتىستى زاڭ جوباسىن تالقىلاعان كەزدە جۇمىس توبىندا مەن دە بولدىم. ءبىر توپ دەپۋتات شەتەلدەگى قانداستارىمىزدىڭ ەلگە كەلۋى ءۇشىن ولاردىڭ ءوز شارۋا قوجا­لىقتارىنا ارنايى كونكۋرستان تىس جەر تەلىمىن بەرۋ تۋرالى باستاما­نى كوتەردىك. جاڭا نورما شەتتەگى قان­داستارىمىزدىڭ ەلگە ورالۋىنا ىقپال ەتەتىن ءتيىمدى شەشىم بولعانى راس.

ەكىنشىدەن, زاڭدا مەملەكەتتىك ءتىلدىڭ مارتەبەسىنە قاتىستى قا­بىل­دانعان تالاپ بار. بۇدان بىلاي ەلىمىزگە ازاماتتىق الۋعا كەل­گەن ءار ادامعا قازاق ءتىلىن ا1, ياعني بازالىق دەڭگەيدە ءبىلۋ تالابى قويى­لادى. بۇل – الەمنىڭ كوپتەگەن ەلىندە بار تا­جىريبە. سونى­مەن قاتار ولاردان اتا زاڭىمىزدىڭ نەگىزدەرىنە جانە قازاقس­تان تاريحىنا قاتىستى 25 سۇراق­تان تۇراتىن تەست الىنادى. سوعان دۇرىس جاۋاپ بەرگەن جانە مەملەكەتتىك ءتىلى­مىز­دى بازالىق دەڭگەيدە بىلگەن شەتەل­دىككە ازاماتتىق بەرۋ ماسەلەسى قارالماق.

قۇجات – مەملەكەتتىك ءتىلدىڭ مارتە­بەسىن كوتەرەتىن زاڭ. پرەزيدەنت قاسىم-جومارت توقاەۆ قازاق ءتىلىنىڭ ۇلتارالىق قاتىناس ءتىلى بولۋىنا كوڭىل ءبولىپ كەلەدى. قابىلدانىپ وتىر­عان زاڭ تالاپتارى دا وسى باعىتتا قولعا الىنعان ورىندى باس­تاما. سوڭعى ساناققا كوز جۇگىرتسەك, ەلىمىزدە تۇراتىن حالىقتىڭ 70 پايى­زى – قازاق ۇلتى بولسا, ءار دەڭگەيدە مەملەكەتتىك ءتىلدى بىلەتىندەر قاتارى 92–93 پايىزدى قۇرايدى. ەندەشە, سىرتتان كەلەتىن شەتەلدىكتەر قازاق ءتىلىن بىلسە, بۇل ولاردىڭ وسى قوعامنان ءوز ورنىن تابۋىنا سەپتىگىن تيگىزبەك.

بولات كەرىمبەك,

ءماجىلىس دەپۋتاتى