«قازگيدرومەت» رمك 14 مامىردا قازاقستان اۋماعىنداعى سينوپتيكالىق جاعداي مەن قاۋىپتى اۋا رايى قۇبىلىسىنىڭ بولجامىن جاريالادى, دەپ حابارلايدى Egemen.kz.
وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر قازاقستان اۋماعى ارقىلى جىلجىپ, ەلىمىزدە نايزاعاي, قاتتى جاڭبىر, بۇرشاق كۇتىلەدى. تەك ەلدىڭ باتىسىندا, وڭتۇستىك-شىعىسىندا جاۋىن-شاشىنسىز اۋا رايى بولادى.
رەسپۋبليكا بويىنشا جەل كۇشەيەدى, سولتۇستىكتە جانە ورتالىقتا ەكپىندى جەل سوعادى, وڭتۇستىكتە شاڭدى داۋىل تۇرادى.
تۇندە قوستانايدىڭ سولتۇستىگىندە, اقتوبەنىڭ سولتۇستىگىندە, سولتۇستىك قازاقستاننىڭ باتىسىندا 2 گرادۋس اياز كۇتىلەدى. قاراعاندى وبلىسىنىڭ باتىسىندا, وڭتۇستىگىندە, ۇلىتاۋ وبلىسىنىڭ ورتالىعىندا, اباي وبلىسىنىڭ وڭتۇستىگىندە, قوستاناي وبلىستارىندا, اتىراۋ وبلىسىنىڭ سولتۇستىك-باتىسىندا, شىعىس قازاقستان وبلىسىنىڭ وڭتۇستىك-شىعىسىندا, قىزىلوردا وبلىسىنىڭ باتىسىندا ءورت قاۋپى جوعارى, باتىس قازاقستان وبلىسىنىڭ باتىسىندا, سولتۇستىك-باتىسىندا, وڭتۇستىك-باتىسىندا ءورت قاۋپى جوعارى بولادى دەپ كۇتىلەدى. قىزىلوردا وبلىسىنىڭ قازالى اۋدانىندا, باتىسىندا, تۇركىستان وبلىسىنىڭ ءشولدى اۋداندارىندا توتەنشە ءورت قاۋپى ساقتالادى.