ەكس-مينيستر قۋاندىق بيشىمباەۆتىڭ ىسىنە قاتىستى سوت پروتسەسى اياقتالۋعا جاقىن. استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا ءوتىپ جاتقان سوت وتىرىسىندا ەكى ايىپتالۋشى – قۋاندىق بيشىمباەۆ پەن باقىتجان بايجانوۆ سوڭعى ءسوزىن ايتتى, دەپ حابارلايدى Egemen.kz.
قۋاندىق بيشىمباەۆ بۇعان دەيىن ايتىلعان فاكتىلەردى ەسكە سالىپ, سالتانات نۇكەنوۆانى قاتىگەزدىكپەن ءولتىرۋ ويىندا دا بولماعانىن جەتكىزدى.
ول سالتانات نۇكەنوۆانىڭ تۋىستارى مەن جاقىندارىنان كەشىرىم سۇراپ, القا بيلەر ءادىل شەشىم شىعاراتىنىنا سەنىم ءبىلدىردى.
«مەن كىنالىمىن. مويىندايمىن. بىراق قاساقانا ولتىرگەن جوقپىن», دەدى بيشىمباەۆ.
باقىتجان بايجانوۆ تا سوتتاعى سوڭعى ءسوزىن سويلەدى.
ء«يا, قىزمەتكەرلەردى ۇيلەرىنە قايتارىپ, مەيرامحانانى جاۋىپ, بەينەجازبالاردى ءوشىرۋدى بۇيىرعانىمدى جاسىرمايمىن. بىراق سول كەزدە اۋىر قىلمىس جاسالعانىن بىلگەن جوقپىن. سالتاناتتىڭ تۋعان-تۋىستارىنان كەشىرىم سۇرايمىن. مارقۇمنىڭ جاتقان جەرى جايلى بولسىن», دەدى بايجانوۆ.
ەسكە سالايىق, بۇرىنعى ۇلتتىق ەكونوميكا ءمينيسترى قۋاندىق بيشىمباەۆقا ازاماتتىق نەكەدەگى ايەلى سالتانات نۇكەنوۆانى اسا قاتىگەزدىكپەن ءولتىردى دەگەن ايىپ تاعىلىپ وتىر.