شىعىس قازاقستان وبلىسىنىڭ «قازسۋشار» فيليالى 37 مىڭنان استام تۇرعىنى بار 28 ەلدى مەكەندى سۋ باسۋ قاۋپىن سەيىلتتى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ رەسمي وكىلى ءمولدىر ابدۋاليەۆا ايتىپ بەردى, دەپ حابارلايدى Egemen.kz.
سۋ قويمالارىندا تاسقىن سۋىن قابىلداۋ ءۇشىن الدىن الا بوس ورىن دايىندالىپ, سۋدى وزەندەرگە بۇرۋ ماقساتىندا 10 بوگەت سالىندى. سونداي-اق سۋدى ارنالار ارقىلى بۇرۋ ءىس-شارالارى ۇيىمداستىرىلدى. ودان بولەك, جالپى ۇزىندىعى 20 شاقىرىم بولاتىن 10 ماگيسترالدىق كانال مەحانيكالىق ادىسپەن تازالاندى.
بۇگىنگى تاڭدا ەلىمىزدىڭ وڭتۇستىگى مەن باتىسىندا سۋارۋ ماۋسىمىنا قارقىندى دايىندىق ءجۇرىپ جاتىر. سۋ رەسۋرستارى جانە يرريگاتسيا مينيسترلىگى اۋىلشارۋاشىلىق القاپتارىنا سۋ بەرۋدى جاقسارتۋ ءۇشىن التى ايماقتا سۋارۋ ارنالارىن تازارتادى.
«اتاپ ايتقاندا, د.قوناەۆ اتىنداعى ۇلكەن الماتى كانالىنىڭ سۋارۋ جەلىلەرى, سونداي-اق باتىس قازاقستان, شىعىس قازاقستان, قىزىلوردا, تۇركىستان جانە جەتىسۋ وبلىستارىنداعى سۋارۋ ارنالارى تازارتىلىپ جاتىر. بۇگىنگى تاڭدا جوسپارلانعان 564 شاقىرىمنىڭ 390 شاقىرىمنان استامى تازارتىلدى, سونداي-اق قازاقستاننىڭ 8 وڭىرىندە: جەتىسۋ, الماتى, جامبىل, قىزىلوردا, قاراعاندى, تۇركىستان وبلىستارىندا, بقو جانە شقو-دا 74 گيدروتەحنيكالىق قۇرىلىستى جوندەۋ جوسپارلانعان», دەدى مولدىر ابدۋاليەۆا.
ەلدەگى سۋ قويمالارداعى جاعدايعا كەلەتىن بولساق:
باتىس قازاقستان وبلىسىنىڭ ءتورت ءىرى سۋ قويماسى ورتا ەسەپپەن 88,5%-عا تولدى. ورال قالاسىنداعى جايىق وزەنىنىڭ دەڭگەيى 828 سم, ول ءبىر تاۋلىكتە 10 سم-گە تومەندەدى. اقمولا وبلىسىندا استانا جانە سىلەتى سۋ قويمالارى 100%-عا تولى. سولتۇستىك قازاقستان وبلىسىنداعى 2 ءىرى سۋ قويماسى دا 100%-عا تولى. اقتوبە وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى - 97%. شىعىس قازاقستان وبلىسىندا ەكى ءىرى سۋ قويماسى بويىنشا ورتاشا سۋ جيناۋ كورسەتكىشى شامامەن - 83%. اباي وبلىسىندا ءشۇلبى سۋ قويماسى 39%-عا تولدى. قاراعاندى وبلىسىندا 3 ءىرى سۋ قويماسى 98,5%-عا تولدى. قوستاناي وبلىسىندا ەكى ءىرى سۋ قويماسىنىڭ ورتاشا سۋ جيناۋ كورسەتكىشى - 92%.«سۋ قويمالارىنا جينالعان تاسقىن سۋى ودان ءارى اۋىلشارۋاشىلىعى مەن ونەركاسىپتە پايدالانۋ ءۇشىن جىبەرىلەدى», دەپ قوستى ۆەدومستۆو وكىلى.