رەسپۋبليكالىق ماڭىزى بار اۆتوجولداردا قوزعالىس شەكتەلدى

حالىقارالىق جانە رەسپۋبليكالىق ماڭىزى بار اۆتوموبيل جولدارىندا اۋا رايىنىڭ جىلىنۋى مەن قاردىڭ تەز ەرۋى سالدارىنان 3 وبلىستاعى (اقمولا, سقو, قوستاناي) 5 جول ءجۇرۋ ۋچاسكەسىندە (جالپى ۇزىندىعى 4400 مەتر) سۋ تاسقىنى بولعان. 

«5 وبلىستاعى (اقتوبە, اقمولا, اتىراۋ, قوستاناي, سقو) رەسپۋبليكالىق ماڭىزى بار 10 اۆتوموبيل جولىندا (ۇزىندىعى 552 كم) قوزعالىسقا شەكتەۋ قويىلدى. قازىرگى ۋاقىتتا رەسپۋبليكالىق جولداردا 315 بىرلىك تەحنيكا مەن 336 ادام جۇمىس ىستەپ ءجۇر», دەلىنگەن حابارلامادا.

سونداي-اق «قازاۆتوجول» رەسپۋبليكالىق ماڭىزى بار ەكى جولدا قوزعالىس اشىلعانىن مالىمدەدى:

اقمولا وبلىسى: «جەزقازعان-پەتروپاۆل» اۆتوموبيل جولىنىڭ 553-595 شاقىرىمى (سۋرگان اۋىلى-سقو شەكاراسى ۋچاسكەسى). سولتۇستىك قازاقستان وبلىسى: «جەزقازعان-پەتروپاۆل» اۆتوموبيل جولىنىڭ 595-612 شاقىرىمىندا (اقمولا وبلىسىنىڭ شەكاراسى-دوستىق اۋىلى ۋچاسكەسى).