وسكەمەندە بەلگىسىز بىرەۋلەر كەڭسەدەگى سەيفتى بۇزىپ, 94 ملن تەڭگە ۇرلاپ كەتكەن. بۇل تۋرالى جابىرلەنۋشىلەر 5 ءساۋىر كۇنى قالالىق پوليتسيا قىزمەتكەرلەرىنە حابارلاعان, دەپ جازادى Egemen.kz Polisia.kz-كە سىلتەمە جاساپ.
قاشۋ جولىن الدىن الا ويلاستىرعان كۇدىكتىلەردىڭ وزەنگە جەتىپ, ۇرلەمەلى قايىقپەن قالانىڭ باسقا اۋماعىنا ءوتىپ كەتكەنى انىقتالدى. بىرنەشە كۇننەن كەيىن پوليتسەيلەر 45 جانە 38 جاستاعى ەكى كۇدىكتىنى ۇستاپ, قاماۋعا العان.
«ۇستالعانداردىڭ تۇرعىلىقتى جەرىنەن قايىق پەن ۇرلانعان اقشا تابىلدى. قوسىمشا تەرگەۋ امالدارى جۇرگىزىلىپ جاتىر», دەلىنگەن حابارلامادا.