جازعى وليمپيادا ويىندارىنىڭ باستالۋىنا دا ساناۋلى ايلار قالدى. جانكۇيەرلەر تاعاتسىزدانا كۇتكەن تورتجىلدىقتىڭ باستى دوداسى 26 شىلدە – 11 تامىز ارالىعىندا وتەتىنى ءمالىم. پاريج وليمپياداسىنا الەمنىڭ 205 ەلىنەن 10 مىڭنان استام سپورتشى قاتىسادى دەپ جوسپارلانعان. قازىرگى ۋاقىتتا قازاقستان دەلەگاتسياسىنىڭ قورجىنىندا 11 سپورت تۇرىنەن 31 ليتسەنزيا بار.
ونىڭ ىشىندە 5 جولدامانى جەتىسۋلىق سپورتشىلار جەڭىپ العان. اتاپ ايتقاندا, ساداق اتۋدان 3 جەكەلەي جانە 1 جالپىكوماندالىق, تاس جولداعى ۆەلوسپورتتان 1 جولداما بار. ليتسەنزيا سانى بويىنشا وڭىرلەر اراسىندا جەتىسۋ وبلىسى ۇزدىك كورسەتكىشپەن كوش باستاپ تۇر.
وسى ورايدا, وبلىس سپورتشىلارى وليمپيادالىق قوزعالىستى ناسيحاتتاپ, پاريج-2024 ويىندارىنا اتتاناتىن سپورتشىلارعا قولداۋ ءبىلدىردى.
سالتاناتتى ءىس-شاراعا وبلىستىق دەنە شىنىقتىرۋ جانە سپورت باسقارماسىنىڭ باسشىسى ۇلان رىسقۇل, اتلانتا وليمپياداسىنىڭ قولا جۇلدەگەرى, ورتالىق جانە شىعىس ازيا ويىندارىنىڭ چەمپيونى, ءى-دارەجەلى «ايبىن» وردەنىنىڭ يەگەرى, جەتىسۋ وبلىسىنىڭ وليمپيادالىق رەزەرۆتەر دايىنداۋ ورتالىعىنىڭ ديرەكتورى ماۋلەن مامىروۆ, الەمدىك الاماندا توپ جارىپ, ەل نامىسىن قورعاپ جۇرگەن سپورتشىلار, سپورت قىزمەتكەرلەرى قاتىسىپ, بارشا سپورتشىلارعا جەتىسۋ وبلىسى اتىنان ساتتىلىك تىلەدى.
تالدىقورعان