الماتى وبلىسىندا ءوڭىر باسشىسى مارات سۇلتانعازيەۆ باستاعان تاريحي-مادەني ەسكەرتكىشتەر مەن ولاردىڭ اۋماقتارىنىڭ جاعدايىن جاقسارتۋعا باعىتتالعان «كيەلى مەكەن» اكتسياسى ءوتتى. وعان 300-گە جۋىق ادام قاتىستى, اراسىندا قالا تۇرعىندارى, بەلسەندى جاستار, ەرىكتىلەر جانە مەملەكەتتىك ورگانداردىڭ وكىلدەرى بار, دەپ حابارلايدى Egemen.kz.
تازالاۋ جۇمىستارى قاپشاعاي بوگەتىنەن سولتۇستىك-باتىسقا قاراي 20 شاقىرىم جەردە ىلە وزەنىنىڭ وڭ جاعالاۋىندا ورنالاسقان تامعالى-تاس تراكتىنىڭ اۋماعىندا جۇرگىزىلدى. تراكت ۇلكەن (60 م-گە دەيىن) تىك جارتاستاردان تۇرادى.
تامعالى-تاس كەشەنى – قازاقستانداعى ونەر, تاريح جانە مادەنيەتتىڭ كورنەكتى ەسكەرتكىشى.
بىرنەشە ساعات ىشىندە 5 بىرلىك تەحنيكا جۇمىلدىرىلعان «تامعالى تاس» تاريحي-مادەني ەسكەرتكىشى اۋماعىنان 1 توننا قوقىس جينالدى.
مۇنداي ارەكەتتەر ەل ازاماتتارىن تاتۋ كورشىلىك پەن ءوزارا كومەككە باۋليدى, تابيعاتقا, قورشاعان ورتاعا دەگەن سۇيىسپەنشىلىك, سول ارقىلى ەكولوگيالىق مادەنيەتتى قالىپتاستىرادى.
ەستەرىڭىزگە سالا كەتەيىك, وسى اپتادا «كيەلى مەكەن» اكتسياسىنا كاسىپورىنداردان, ۇيىمداردان, مەكەمەلەردەن جانە ءتۇرلى كاسىپكەرلىك سۋبەكتىلەرىنەن 300 مىڭنان استام ادام قاتىستى. جينالعان قوقىس كولەمى 3 تونناعا جۋىقتادى. وبلىس بويىنشا بارلىعى 23 بىرلىك جۇك-تيەۋ تەحنيكاسى پايدالانىلدى.