قتج ارنايى تەحنيكانى قازاقستاننىڭ باسقا وڭىرلەرىنەن سۋ باسۋ ايماقتارىنا جەدەل جەتكىزۋ ءۇشىن ۆاگوندار بولەتىنىن حابارلادى. ءتيىستى تاپسىرمانى ۆيتسە-پرەمەر قانات بوزىمباەۆ بەردى, دەپ جازادى Egemen.kz.
«تەمىرجولشىلار سۋ تاسقىنى سالدارىن جويۋ جانە اۆاريالىق-قۇتقارۋ جۇمىستارىن جۇرگىزۋ ءۇشىن وڭىرلەرگە تاۋلىك بويى ارنايى تەحنيكانى تاسىمالداۋدى ۇيىمداستىرادى.الماتى, قاراعاندى, ماڭعىستاۋ, تۇركىستان, قىزىلوردا, شىمكەنت, قوستاناي ستانتسيالارىنان بۋلدوزەرلەر, تراكتورلار, ساموسۆالدار, كامازدار, تيەگىشتەر, مانيپۋلياتورلار, سۋ تاسقىنىمەن كۇرەسۋگە ارنالعان كراندار باعىتتالدى», دەلىنگەن قتج ءباسپاسوز قىزمەتى تاراتقان حابارلامادا.
ايتا كەتسەك, قتج پويىزدارىمەن اۆاريالىق-قۇتقارۋ جۇمىستارىنا قاتىسۋ ءۇشىن 4 مىڭ قۇتقارۋشى, اسكەري قىزمەتشى تاسىمالداندى. سۋ باسۋ ورىندارىنا گۋمانيتارلىق كومەك جەتكىزۋ ءۇشىن پويىزدار قۇرامىنداعى ۆاگوندار ءبولىندى.
اتىراۋ - قۇلسارى - اتىراۋ جانە قۇلسارى - ماڭعىستاۋ باعىتتارى بويىنشا 12 مىڭ ادام وتەۋسىز نەگىزدە جولاۋشىلار پويىزدارىمەن تاسىمالداندى. 2 مىڭنان استام جولاۋشى اتىراۋ - ماڭعىستاۋ, اتىراۋ – الماتى جانە اتىراۋ - استانا باعىتتارى بويىنشا قوسىمشا ۆاگوندارمەن شىعارىلدى. قوسىمشا پويىزدار ورال — قىزىلوردا, اتىراۋ - قاراعاندى, الماتى — اتىراۋ باعىتتارى بويىنشا جۇرەدى, بۇل 2 مىڭنان استام جولاۋشىنى تاسىمالداۋعا مۇمكىندىك بەردى.
ودان بولەك, سۋ تاسقىنىنان زارداپ شەككەن اۋدانداردان 500 بالانى ەمدەۋ-ساۋىقتىرۋ ورتالىقتارى مەن بالالار لاگەرلەرىنە تاسىمالداۋ ۇيىمداستىرىلدى.
«سۋ تاسقىنى كەزىندە ەلدىڭ كەيبىر ايماقتارىندا تەمىر جول جالعىز كولىك ءتۇرى بولىپ قالىپ وتىر. قتج بارلىق بولىمشەلەرى كۇشەيتىلگەن رەجيم جۇمىسىنا اۋىستىرىلدى. سۋ تاسقىنىنا قارسى ءىس-شارالاردى ۋاقتىلى جۇرگىزۋدىڭ ارقاسىندا تەمىرجول ينفراقۇرىلىمى زارداپ شەككەن جوق, پويىزداردىڭ قوزعالىسى كەستە بويىنشا جۇزەگە اسىرىلادى», دەيدى قتج وكىلدەرى.