سۋ تاسقىنىنان زارداپ شەككەن حالىققا ەلدىڭ بەلسەندى ازاماتتارى دا كومەكتەسىپ جاتىر, دەپ جازادى Egemen.kz.
سولاردىڭ ءبىرى – مەملەكەتتىك قىزمەتشى, قر دەنساۋلىق ساقتاۋ مينيسترلىگىنىڭ اپپارات باسشىسى باتىربەك ءابدىلدين.
تورعاي ءوڭىرىنىڭ تۋماسى ءبىر اۋىلدا تۋىپ-وسكەن ازاماتتاردىڭ, دوستارىنىڭ جانە كاسىپكەرلەردىڭ باسىن بىرىكتىرىپ, قوستاناي وبلىسى امانگەلدى اۋدانىنا, تورعاي وڭىرىندەگى باسقا دا سۋ باسقان اۋىلدارعا 40 تونناعا جۋىق گۋمانيتارلىق كومەك جونەلتتى.
«قيىن جاعدايعا تاپ بولعان اعايىنعا كەرەك-جاراعىن, ازىق-ت ۇلىگىن جەتكىزۋ ءىسى الداعى ۋاقىتتا دا جالعاسادى», دەدى باتىربەك سۇلتان ۇلى.
سونىمەن قاتار باتىربەك ءابدىلدين قوعامدىق نەگىزدە استانا قالالىق «قازاق كۇرەسى» فەدەراتسياسىنا جەتەكشىلىك ەتەدى. رامازان ايىندا فەدەراتسيا باسشىلىعى «ەلوردا» قايىرىمدىلىق قورىمەن بىرلەسىپ, قارتتار ۇيىندەگى قاريالارعا, بالالار ءۇيىنىڭ تاربيەلەنۋشىلەرىنە, مەدرەسە شاكىرتتەرىنە بىرنەشە رەت اۋىزاشار بەردى. اۋىزاشار اياسىندا مۇقتاج جاندارعا پاتەر كىلتتەرى تابىستالدى.