وڭتۇستىك كورەيادا قازاقستان ازاماتى جۇمىس ورنىندا كوز جۇمدى, دەپ حابارلايدى Egemen.kz.
اقپاراتتى قر سىرتقى ىستەر مينيسترلىگى راستادى.
«ول جۇمىس ورنىندا قايتىس بولدى, ءبىز مارقۇمنىڭ تۋىستارىمەن بايلانىسىپ, بارلىق قاجەتتى قۇجاتتاردى دايىنداپ جاتىرمىز», دەدى ءسىم ءباسپاسوز حاتشىسى ايبەك سمادياروۆ.
وڭتۇستىك كورەيانىڭ «Yonhap» اقپارات اگەنتتىگى 30 جاستاعى قازاقستان ازاماتى اعىندى سۋلاردى تازالاۋ كەزىندە قازا تاپقانىن حابارلادى. جەرگىلىكتى پوليتسيا, سونداي-اق جۇمىسپەن قامتۋ جانە ەڭبەك مينيسترلىگى وقيعانىڭ ناقتى سەبەبىن انىقتاپ جاتىر. بولجام بويىنشا, ەر ادامدى توق سوققان. ونىڭ جۇرەگى توقتاپ, اۋرۋحاناعا جەتكىزىلدى, بىراق ەر ادامدى قۇتقارۋ مۇمكىن بولمادى.