كەشە, 9 ساۋىردە سولتۇستىك قازاقستان وبلىسىندا تۇرعىنداردى بەلسەندى كوشىرۋ جۇمىستارى جۇرگىزىلدى. تجم كۇشتەرى زارداپ شەككەن ازاماتتاردىڭ ءۇي جانۋارلارىن دا قاۋىپسىز جەرگە كوشىردى, دەپ حابارلايدى Egemen.kz.
ەلدىڭ ءبىراز اۋماعىن شايعان قارعىن سۋ سولتۇستىك قازاقستان وبلىسى تۇرعىندارىن دا الاڭداتىپ وتىر. ءوڭىر تۇرعىندارى, ەرىكتىلەر مەن قۇتقارۋشىلار سۋ تاسقىنىمەن بەلسەندى تۇردە كۇرەسىپ جاتىر.
قر توتەنشە جاعدايلار مينيسترلىگىنىڭ ءباسپاسوز قىزمەتى وبلىسقا قاراستى ەلدى مەكەن تۇرعىندارى ەۆاكۋاتسيالانىپ جاتقانىن حابارلادى.
ءساۋىردىڭ 10-نا قاراعان ءتۇنى ورتالىق كوممۋنيكاتسيالار قىزمەتىندە وتكەن بريفينگ بارىسىندا وبلىستىق توتەنشە جاعدايلار دەپارتامەنتى باستىعىنىڭ ورىنباسارى, پوليتسيا پودپولكوۆنيگى مۇرات قانعوجينوۆ سەرگەەۆ سۋ قويماسىندا سۋ اعىنىنىڭ ازايعانىن حابارلاعان ەدى. الايدا سۋ قويماسىنان اسىپ توگىلگەن سۋ پەتروۆكا, نيكولاەۆكا اۋىلدارىنا جەتتى.