جۇمىسقا قابىلداۋ جۇيەسى وزگەردى

1 ساۋىردەن باستاپ ۇلتتىق ءبى­لىم بەرۋ دەرەكتەر قورىندا پە­دا­­گوگ­تەردى مەكتەپكە جۇمىسقا قا­بىل­داۋ بويىنشا جاڭا مودۋل ىسكە قوسىلدى. بۇل شارا سىبايلاس جەمقورلىققا قارسى جانە كون­كۋرستىق راسىمدەردى اشىق وتكىزۋ باعى­تىندا قابىلدانعان. سون­داي-اق پەداگوگتەردى اتتەستاتتاۋدا قۇ­­جات­­تاردى تاپسىرۋ بويىنشا دا اۆتو­ماتتاندىرۋ ەنگىزىلىپ جاتىر. ەندى پەداگوگتەردىڭ بار­­لىق مالىمەتى «پەداگوگ پورتفوليو­سى» مودۋلىندە جيناقتالادى. مۇن­دا پەداگوگ تۋرالى, ونىڭ ءبىلىمى, دەنساۋلىق جاعدايى, جۇمىس تاجىريبەسى, قۇقىق بۇزۋشىلىق, اتتەستاتتاۋدان ءوتۋ, ماراپاتتارى جانە تالىمگەرلىك پەن تسيفرلىق قۇجاتتار جونىندە ەلەكتروندى اقپارات ساقتالادى.

بۇل جونىندە وقۋ-اعارتۋ مي­نيس­تر­لىگىنە قاراستى تسيفرلان­دى­رۋ دەپار­تامەنتى ديرەكتورىنىڭ ورىن­­باسارى مايرا مارالباەۆا: «اشىق­تىق پەن ەسەپتىلىكتىڭ بولۋى سى­بايلاس جەمقورلىققا قارسى كۇرەس­تە باستى ءرول اتقارادى. وسى مودۋلدەردى ەنگىزە وتىرىپ, پەدا­گوگ­تەردى جۇمىسقا قابىلداۋ كەزىن­دە قاعاز جۇزىندەگى قۇجات اينالىمىن جانە سىبايلاس جەمقورلىق تاۋە­كەل­دەرىن تولىق جويۋ جوسپارلانىپ وتىر. جۇيەنى ىسكە قوسۋ الدىندا باسقارما, بولىمدەر مەن ءبىلىم بەرۋ ۇيىمدارىنىڭ ماماندارى ءۇشىن وقىتۋ ۇيىمداستىرىلدى», دەدى.

ەسكە سالا كەتەيىك, بۇعان دەيىن بۇل مودۋل شىمكەنت قالا­سىندا, قاراعاندى وبلىسىنىڭ شاح­تينسك قالاسىندا سىناقتان ءوتتى. سونداي-اق جۇمىس ىزدەۋ جانە قاجەتتى پەر­­سونالدى تاڭداۋ بو­يىنشا ەلى­مىزدىڭ باسقا وڭىرلەرىندە دە اشىقتىق ورناتۋ ءۇشىن ۇلتتىق ءبىلىم بەرۋ دەرەكتەر قورىنىڭ «ەلەكتروندى ەڭبەك بيرجاسى» پلاتفورماسىمەن ءوزارا ينتەگراتسياسى جوسپارلانعان.