ەلىمىزدە جىلۋ ەنەرگەتيكاسى تۋرالى العاش رەت جەكە زاڭ ازىرلەندى. بۇگىن, 3 ءساۋىر كۇنى ماجىلىس «جىلۋ ەنەرگەتيكاسى تۋرالى» زاڭ جوباسى جانە وعان ىلەسپە تۇزەتۋلەردى ماقۇلدادى, دەپ جازادى Egemen.kz.
ء«ماجىلىس «جىلۋ ەنەرگەتيكاسى تۋرالى» زاڭ جوباسى جانە وعان ىلەسپە جىلۋ ەنەرگەتيكاسى مەن ەلەكتر ەنەرگەتيكاسى ماسەلەلەرى بويىنشا زاڭ اكتىلەرىنە تۇزەتۋلەر ەنگىزۋ تۋرالى جانە اكىمشىلىك قۇقىق بۇزۋشىلىق كودەكسىنە تولىقتىرۋلار مەن وزگەرىستەر ەنگىزۋ تۋرالى زاڭ جوبالارىن ءبىرىنشى وقىلىمدا ماقۇلدادى. ەلىمىزدە جىلۋ ەنەرگەتيكاسى سالاسىنداعى جەكە زاڭ العاش رەت ازىرلەنىپ وتىر», دەپ جازدى ءماجىلىستىڭ ءباسپاسوز قىزمەتى.
ماقۇلدانعان زاڭ جوباسى جىلۋ ەنەرگەتيكاسى مەن جىلۋمەن جابدىقتاۋ سالاسىنداعى قاتىناستاردىڭ بارلىق جيىنتىعىن رەتتەۋ ءۇشىن تولىققاندى قۇقىقتىق نەگىز بەلگىلەۋگە باعىتتالعان.
وسى تۇزەتۋلەر اياسىندا كاسىپكەرلىك كودەكسىنە, «ەلەكتر ەنەرگەتيكاسى تۋرالى», «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى», «تابيعي مونوپوليالار تۋرالى», «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» زاڭدارعا وزگەرىستەر مەن تولىقتىرۋلار ەنگىزىلەدى.