بۇگىن ۇكىمەت وتىرىسىندا قر توتەنشە جاعدايلار ۆيتسە-ءمينيسترى باۋىرجان سىزدىقوۆ قازاقستانداعى سۋ تاسقىنىنا قاتىستى سوڭعى اقپاراتتارعا تۇسىنىكتەمە بەردى, دەپ حابارلايدى Egemen.kz.
ۆيتسە-مينيستر سۋ تاسقىنىنا بايلانىستى جاعدايدىڭ ءالى كۇردەلى ەكەنىن اتاپ ءوتتى. باتىستا سۋدىڭ ازداپ ازايۋى, رەسپۋبليكانىڭ ورتالىق, سولتۇستىك جانە شىعىس بولىگىندە, كەرىسىنشە, وزەن دەڭگەيىنىڭ قارقىندى كوتەرىلۋى بايقالادى.
«سۋ باسۋ ايماعىندا 5 وبلىس قالىپ وتىر, اكىمدىكتەر جەرگىلىكتى اۋقىمداعى 20 توتەنشە جاعداي جاريالادى. اقتوبە, باتىس قازاقستان جانە قوستاناي وبلىستارىندا جاعداي كۇردەلى. مينيسترلىكتىڭ كۇشتەرى مەن قۇرالدارى دەرەۋ جۇمىلدىرىلىپ, اۋىستىرىلدى», دەدى سىزدىقوۆ.
ونىڭ ايتۋىنشا, سۋ تاسقىنى كەزىڭىندە بارلىعى 15 786 ادام ەۆاكۋاتسيالانعان, ونىڭ 6 187-ءسى بالالار, زارداپ شەككەندەر جوق. ۋاقىتشا ورنالاستىرۋ ورتالىقتارىندا 4113 ادام, ونىڭ ىشىندە 1911 بالا بار.
قىرمىزى جۇماعاليقىزى,
ەۇۋ ستۋدەنتى