ەلوردادا يگى ىستەر مارافونى جالعاسىن تاپتى. «استانا جاستارى» جاستار رەسۋرستىق ورتالىعىنىڭ ەرىكتىلەرى قايىرىمدىلىق اكتسياسىن وتكىزدى. قوعام جاناشىرلارى كوممۋنالدىق قىزمەتكەرلەرگە باۋىرساق پەن ىستىق شاي ۇلەستىردى. بۇعان قوسا رامازان ايى مەن ناۋرىز مەرەكەسىنە وراي كومەككە مۇقتاج تۇرعىندارعا ازىق-ت ۇلىك سەبەتىن تاراتتى.
قازىر ەلىمىزدىڭ تۇكپىر-تۇكپىرىندە ناۋرىزنامانىڭ ونكۇندىگى ءوتىپ جاتىر. قايىرىمدىلىق, جاناشىرلىققا ۇندەيتىن «مەيىرىمدىلىك كۇنى» استانالىق جاستارىمىز دا كوپپەن بىرگە بولدى.
– ءبىز جىل بويىنا وسىنداي فورماتتاعى اكتسيالاردى ءجيى وتكىزەمىز. قارتتارعا, الەۋمەتتىك وسىلار توپتارىنا جاردەم بەرىپ, ۇنەمى نازاردان تىس قالدىرمايمىز. باس قالانىڭ تىنىس-تىرشىلىگىنە جاۋاپتى كوشە قىزمەتكەرلەرىنە قىستا ىستىق شاي مەن تاتتىلەردى ۇلەستىرۋگە ءجيى شىعامىز. وسىلايشا, ءبىز ادامداردى مەيىرىمدىلىككە, جاناشىرلىققا جانە جاقسى قارىم-قاتىناسقا ۇندەگىمىز كەلەدى, – دەدى ۆولونتەر ارۋجان داۋلەتياروۆا.
ءوز كەزەگىندە, «استانا جاستارى» ەرىكتىلەر قوزعالىسىن دامىتۋ ءبولىمىنىڭ باسشىسى ەلۆيرا ەسمۇحانوۆا مۇنداي اكتسيالاردى وتكىزۋدىڭ جانە قايىرىمدىلىق كۇنىن اتاپ ءوتۋدىڭ ماڭىزدىلىعىنا توقتالدى.
– بۇگىندە «استانا جاستارى» جاستار رەسۋرستىق ورتالىعىنىڭ قاتارىندا 5 مىڭنان استام ۆولونتەر بار. ەرىكتىلەرمەن بىرگە ءتىپتى از مۇمكىندىكپەن دە ءبىر-بىرىمىزگە كومەكتەسۋگە بولاتىنىن كورسەتكىمىز كەلدى. جاستار كوممۋنالدىق قىزمەتكەرلەرگە ارناپ اكتسيا وتكىزۋ باستاماسىن كوتەردى. ولار اۋا رايىنىڭ قولايسىزدىعىنا قاراماستان قالادا ءتارتىپ پەن تازالىقتى ساقتايدى. سوندىقتان جاناشىرلار ىستىق شاي مەن باۋىرساقتاردى تاراتۋمەن قاتار, قار كۇرەۋگە كومەك كورسەتەدى, حالىقتىڭ الەۋمەتتىك وسال توپتارىنان شىققان وتباسىلارعا ازىق-ت ۇلىك سەبەتتەرىن دە تاسىمالدايدى, – دەدى ە.ەسمۇحانوۆا.
قايىرىمدى جانداردىڭ يگى ىسىنە ءتانتى بولعان تازالىقشىلار دا جاستارعا العىسىن ايتىپ, ۇلكەندەرى اق باتاسىن بەردى. بەلسەندىلەر «يگى ىستەر مارافونى» اياسىندا دا ەلوردا اكىمدىگى جانە «Qazaq oil» كومپانياسىمەن بىرلەسە تۇرعىندارعا 1000-نان اسا ازىق-ت ۇلىك سەبەتىن تاراتتى.
– 2023 جىلدىڭ ناۋرىز-جەلتوقسان ايلارى ارالىعىندا استانادا مۇقتاج ازاماتتارعا 4 مىڭنان استام ازىق-ت ۇلىك جيىنتىعى تاراتىلدى. بۇل جولى ازىق-ت ۇلىك جيىنتىعى از قامتىلعان وتباسىلار, كوپبالالى انالار, ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار, زەينەتكەرلەر جانە تولىق ەمەس وتباسىلار سياقتى حالىقتىڭ الەۋمەتتىك وسال توپتارىنا تاراتىلادى. قوراپتىڭ سالماعى 45 كيلو جانە بارلىق جۇكتىڭ سالماعى 45 توننادان اسادى. ازىق-ت ۇلىك قورجىنىندا ۇن, قانت, قاراقۇمىق, كۇرىش, ماكارون, بالالارعا ارنالعان تاتتىلەر سياقتى قاجەتتى تاۋارلار بار, – دەدى استانا اكىمىنىڭ كەڭەسشىسى قۋانىش مولدابەك.
ازىق-ت ۇلىك سەبەتتەرىنىڭ ءبىرىن العان كوپبالالى انا روزا سىربەكوۆا اكتسيا ۇيىمداستىرۋشىلارىنا كورسەتكەن كومەگى ءۇشىن العىسىن ءبىلدىردى.
– قولداۋ كورسەتكەنىڭىز ءۇشىن جانە مەرەكەلىك كوڭىل-كۇي سىيلاعانىڭىز ءۇشىن راحمەت. وتانداستارىمدى ۇلىستىڭ ۇلى كۇنى ناۋرىز مەرەكەسىمەن قۇتتىقتايمىن. بارشاڭىزعا دەنساۋلىق پەن اشىق اسپان تىلەيمىن, – دەدى ەلوردا تۇرعىنى.
«يگى ىستەر مارافونى» قايىرىمدىلىق اكتسياسى جىل سوڭىنا دەيىن جالعاسادى. جالپى, استانادا ازىق-تۇلىك سەبەتتەرى جىل سايىن تاراتىلادى.