وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءمالىمەتتەرىنە قاراعاندا, بيىلعى جىلى سوعىسقا قاتىسقان ارداگەرلەردىڭ ۇيلەرىن جوندەپ بەرۋگە جەرگىلىكتى بيۋدجەتتەن 44 ميلليون 160 مىڭ تەڭگە قارجى ءبولىنىپتى. ارداگەرلەر, سونىمەن قاتار, تەلەفون ورناتۋعا, وتىن الۋعا, ءتىس پروتەزدەۋگە, مەرزىمدىك باسىلىمدارعا تەگىن جازىلۋعا, جەڭىلدىكپەن ءدارى-ءدارمەكتەر الۋعا, كۋرورتتارعا بارىپ ەمدەلۋگە قوسىمشا كومەكتەر الا الادى.
الەۋمەتتىك باعدارلامالار قىزمەتكەرلەرى اعا ۇرپاق وكىلدەرىن قۇرمەتتەۋ, سىي-سياپات كورسەتۋ جىل بويى جالعاسىن تاباتىنىن ايتادى. قاراشا ايىندا 108 پاتەرلى ارداگەرلەرگە ارنالعان جاڭا تۇرعىن ءۇي پايدالانۋعا بەرىلەدى. وبلىستىڭ اۋىل-قالالارىندا تۇراتىن 12602 ارداگەر “جەڭىسكە – 65 جىل” مەرەكەلىك مەدالىمەن ماراپاتتالدى. استانا مەن ماسكەۋدە وتكەن سالتاناتتى شەرۋلەرگە قاتىسۋ ءۇشىن بارعان ارداگەرلەرگە تۇگەلدەي ارنايى كيىمدەر تىگىلىپ, ولاردىڭ بۇكىل شىعىندارى تولىق قامتاماسىز ەتىلدى.
ارداگەرلەر ەندى جىل بويى قوعامدىق كولىكتەردە تەگىن جۇرە الادى. ولاردىڭ تۇرعىن ءۇي-كوممۋنالدىق تولەمدەرى ءۇشىن 60 ميلليون تەڭگە ءبولىندى. جالپى, جەڭىستىڭ 65 جىلدىق مەرەكەسى قارساڭىندا وبلىس اۋماعىندا تۇراتىن 1340 سوعىس ارداگەرى رەسپۋبليكالىق جانە جەرگىلىكتى بيۋدجەتتەر قاراجاتى ەسەبىنەن ارقايسىسى 130 مىڭ تەڭگەدەن, ال تىڭ ەڭبەككەرلەرى 10 مىڭ تەڭگەدەن كومەك الدى. ەر-ازاماتتارى سوعىستان ورالماعان 54 شاڭىراقتىڭ ارقايسىسىنا 90 مىڭ تەڭگەدەن ءبولىندى.
بيىلعى جىلدىڭ ناۋرىز-ءساۋىر ايلارىندا وبلىس بويىنشا وتكەن “قامقورلىق” ايلىعىندا دا 12201 سوعىس ارداگەرىنىڭ وتباسىلارىنا جالپى قۇنى 92516,6 مىڭ تەڭگەنى قۇراعان اقشالاي جانە زاتتاي كومەك تۇرلەرى كورسەتىلدى.
فاريدا بىقاي.
پاۆلودار وبلىسى.