حالىقارالىق ايەلدەر كۇنى قارساڭىندا استانانىڭ بارلىق اۋدانىندا 70-تەن استام كوپبالالى انا «التىن القا» جانە «كۇمىس القا» توسبەلگىلەرىمەن ماراپاتتالدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
باس قالانىڭ قوپبالالى انالارىنا «التىن القا» جانە «كۇمىس القا» توسبەلگىلەرى سالتاناتتى جاعدايدا تاپسىرىلدى.
«اۋدان باسشىلارى كوپبالالى انالاردىڭ وسكەلەڭ ۇرپاقتى تاربيەلەۋدەگى, ولارعا جالپىادامزاتتىق قۇندىلىقتارعا, ادەت-عۇرىپتارعا, سالت-داستۇرلەرگە, مادەنيەتكە دەگەن ەلەۋلى ۇلەسىن اتاپ ءوتتى», دەلىنگەن اكىمدىك حابارلاماسىندا.
ەسكە سالايىق, «التىن القا» جەتى جانە ودان دا كوپ بالا تاربيەلەپ وتىرعان انالارعا بەرىلەدى. ال «كۇمىس القا» توسبەلگىسىمەن التى بالانى تاربيەلەگەن ايەلدەر ماراپاتتالادى.