تۇندە ەكى جەر سىلكىنىسى تىركەلدى

توتەنشە جاعدايلار مينيسترلىگىنە قاراستى «سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعى» 5 ناۋرىزدا الماتى ۋاقىتى بويىنشا ساعات 04:44-تە جەر سىلكىنىسىن تىركەدى. جەر سىلكىنىسىنىڭ وشاعى الماتىدان سولتۇستىك-شىعىسقا قاراي 406 شاقىرىم جەردە قىتاي اۋماعىندا ورنالاسقان. جەر سىلكىنىسىنىڭ ەنەرگەتيكالىق كلاسى - 10.4. ماگنيتۋداسى - 4.9. تەرەڭدىگى - 10 كم. قازاقستان اۋماعىندا جەر سىلكىنىسى سەزىلمەدى.

ەكىنشى جەراستى ءدۇمپۋى 5 ناۋرىزدا الماتى ۋاقىتىمەن 06:29-دا تىركەلدى. ونىڭ وشاعى قىتايدىڭ وڭتۇستىك استاناسىنان وڭتۇستىك-شىعىسقا قاراي 282 شاقىرىم جەردە ورنالاسقان. جەر سىلكىنىسىنىڭ ەنەرگەتيكالىق كلاسى - 10.4. ماگنيتۋداسى - 4.4. تەرەڭدىگى - 10 كم. قازاقستان اۋماعىندا جەر سىلكىنىسى سەزىلمەدى.

ايتا كەتەيىك, كەشە 4 ناۋرىز كۇنى ساعات 11:22-دە الماتى قالاسىندا جەر سىلكىنىسى تىركەلدى. ءزىلزالانىڭ وشاعى الماتىدان وڭتۇستىككە قاراي 31 شاقىرىم جەردە ورنالاستى. قالا تۇرعىندارى ساعات 16.00-گە دەيىن قوعامدىق قابىلداۋ ورىندارىندا بولدى. مەكتەپتەر مەن كوللەدجدەردەگى ساباقتار توقتاتىلىپ, بالاباقشالار بالالاردى الىپ كەتۋدى تالاپ ەتتى.