ستەند اتۋدان قاتار ەلىنىڭ باس قالاسى دوحادا ءوتىپ جاتقان ء«امىر گران-ءپريى» حالىقارالىق تۋرنيرىندە قازاقستان قۇراماسى ءۇش مەدال جەڭىپ الدى. وتانداستارىمىز ءبىر كۇمىس, ەكى قولا مەدال تاقتى, دەپ حابارلايدى Egemen.kz.
ۇلتتىق وليمپيادالىق كوميتەتى ءمالىم ەتكەندەي, 22 اقپاندا باستالعان بايراقتى باسەكەدە 30 ەلدىڭ 300-دەن استام سپورتشىسى باق سىناپ جاتىر.
«تراپ» باعدارلاماسى بويىنشا جەكەلەي سىندا ماريا دميتريەنكو ەل قورجىنىنا كۇمىس مەدال سالسا, جاسوسپىرىمدەر اراسىندا نيكيتا مويسەەۆ پەن انيتا نۇرلانوۆا قولا جۇلدەگەر اتاندى.
ايتا كەتسەك, قازاقستان اتىنان بارلىعى 36 سپورتشى سىنعا ءتۇسىپ جاتىر.