الەۋمەتتىك دۇكەن

دۇكەندە تاۋاردىڭ ءتۇرى كوپ, سونىڭ ىشىندە تۇر­مىس­تىق حيميا, سۋسىن جانە باسقا دا الەۋ­مەت­تىك ماڭىزى بار 18 ءتۇرلى ازىق-ت ۇلىك ءونىمى نا­رىقتاعىدان 15-20% تومەن باعادا ساتىلادى. مىسالى, I ساناتتاعى جۇمىرتقانىڭ ون­دىعى – 445 تەڭگەدەن, 1 ليتر سۇيىق ماي – 510 تەڭگە, 1 كگ كۇرىش – 340 تەڭگە, 1 كگ كارتوپ – 110 تەڭگە, 1 كگ پياز – 70 تەڭگە, 1 كگ ءسابىز – 140 تەڭگە.

نىساننىڭ اشىلۋىندا ءسوز سويلەگەن تال­دى­قورعان قالاسى اكىمىنىڭ ورىنباسارى رۇستەم بەرشىمبەكوۆ الەۋمەتتىك دۇكەندەردىڭ اشىلۋى وبلىس اكىمدىگىنىڭ باستاماسىمەن, تال­دىقورعان قالاسى اكىمدىگى مەن «جەتىسۋ» الەۋمەتتىك-كاسىپ­كەرلىك كورپوراتسيانىڭ بىر­لەسىپ قولعا العان ءىس-شاراسى ەكەنىن اتاپ ءوتتى.

«مۇنداعى سورەلەرگە تاۋارلار دەلدالسىز, وندىرۋ­شى­لەر­دەن قوسىمشا شىعىنسىز تىكەلەي جەتكىزىلەدى. بۇل دۇ­كەن­دەر­دىڭ ءبارى اكك-ءنىڭ قار­جى­لاندىرۋىندا, سوندىق­تان ولار­دىڭ تاۋارى نارىق­تا­عىدان تومەن باعادا ساتىلادى», دەدى ر.بەرشىمبەكوۆ.

وسى دۇكەندەردىڭ جۇمىسى­نا قاتىستى ساتىپ الۋشىلار دا ءوز پىكىرىن ءبىلدىردى.

«مۇندا جارما, كوكونىس پەن جۇمىرتقا الۋ­عا كەلدىم. شىنىندا دا, نارىقتاعىدان تومەن باعادا ەكەن. دۇكەن قولايلى جەردە, ايال­دا­ماعا جاقىن ورنالاسقان. اۋدانى­مىزدا ەگدە جاس­تا­عى­لار كوپ تۇرادى. ەندى بىزگە ورتالىق بازارعا ءجيى بارۋدىڭ قاجەتى بول­مايدى», دەدى گۇلگۇل قاناپيانوۆا.

ءوڭىر اكىمىنىڭ ءباسپاسوز قىزمەتىنىڭ مالى­مە­تىن­شە, وبلىستا «جەتىسۋ» اكك-ءنىڭ 6 الەۋمەتتىك نۇكتەسى بار. ونىڭ ىشىندە 2 الەۋمەتتىك دۇكەن تالدىقورعاندا, ءبىرى ۇشتوبە قالاسىندا ورنا­لاسقان. سول سياقتى كوممۋنالدىق جانە الەۋ­مەت­تىك بازارلار مەن «كوك­بازار» ساۋدا ۇيىندە ساۋدا نۇكتەلەرى جۇمىس ىستەيدى. اكك وكىلدەرىنىڭ ايتۋىنشا, جۇمىس مۇنىمەن توقتامايدى. وبلىس اكىمىنىڭ تاپسىرماسىنا سايكەس بۇدان ءارى دە وبلىس ورتالىعىنىڭ حالىق تىعىز ورنالاسقان شاعىن اۋداندارىندا وسىنداي فورماتتاعى الەۋمەتتىك دۇكەندەر اشىلا بەرمەك.

جەتىسۋ وبلىسى