قوستانايدا تىگىن فابريكاسى اشىلدى

سوعان قاراماستان مەملەكەت قولداۋىنا ارقا سۇيەگەن شاعىن تسەح تاباندى ىزدەنىسكە تولى التى جىلدىڭ ىشىندە سان سالانىڭ جۇمىسشى, ماماندارىنا ارناپ ارنايى كيىم تىگىپ شىعاراتىن تابىستى كاسىپورىنعا اينالدى. ەندى, مىنە, 100 تىگىنشى ەڭبەك ەتەتىن ىرگەلى فابريكا مارتەبەسىنە يە بولىپ, قايتا اشىلىپ وتىر.

تىگىن فابريكاسى بۇگىندە وڭىر­­دەگى وتىزدان استام كاسىپ­ورى­ن­نىڭ تاپسىرىسىن تۇگەن­دەپ, جۇ­مىس­شىلارىن كيىندى­رىپ وتىر. ولاردىڭ ىشىندە «سارى­ارقااۆتوپروم», «اگرو­ماشحولدينگ KZ» ءتارىزدى ماشينا جاساۋ زاۋىتتارى, «ۆارۆارينسكوە», «كوماروۆ» سەكىلدى ءىرى كەن كاسىپورىندارى, احمەت بايتۇرسىن ۇلى اتىنداعى قوستاناي حالىقارالىق اۋەجايى, مىڭ جارىم ادام جۇمىس ىستەيتىن «بايان سۇلۋ» كونديتەرلىك فابريكاسى, «قازاقتەلەكوم» اق-نىڭ فيليالى بار. كاسىپورىن, مۇنىڭ سىرتىندا, وبلىستىڭ دەنساۋلىق ساقتاۋ مەكەمەلەرى مەن مەكتەپتەرىنە, سونداي-اق سان الۋان قىزمەت كورسەتۋ سالاسىنىڭ ماماندارىنا ارنايى كيىم تىگەدى.

جاڭا ءبىر بەلەسىن باعىندىرعان كاسىپورىننىڭ اشىلۋ راسىمىنە قوستاناي قالاسىنىڭ اكىمى مارات جۇندىباەۆ قاتىستى. تىگىن فابريكاسى بيىلدان باستاپ ورتوپەديالىق جاستىق شىعاراتىن وندىرىستىك تسەحىن ىسكە قوسقان. الداعى ۋاقىتتا مۇنداعى ءوندىرىس اۋقىمىن الدە دە كەڭەيتە ءتۇسۋدى جوسپارلاپ وتىر.

«قازىر فابريكادا 100 ادام ەڭبەك ەتىپ جاتىر. الايدا تىگىن فابريكاسى الداعى ۋاقىتتا تاعى 100 ادامدى جۇمىسقا الۋدى كوزدەپ وتىر. ونىڭ ۇستىنە ءبىز تىگىن فابريكاسىنىڭ تەك ايەل ادامدارعا جۇمىس بەرىپ وتىرعانىن ەسكەرۋىمىز كەرەك. سون­دىق­­تان بۇل  قوستاناي قالاسى ءۇشىن وتە ماڭىزدى», دەيدى اكىم.

كىلەڭ ايەلدەر جۇمىس ىستەيتىن ۇلكەن ۇجىمنىڭ «ارپا ىشىندەگى ءبىر بيدايى» – الەكساندر شتيبەن. «20 جىل بويى ايەلدەردەن قالىسپاي جۇمىس ىستەپ كەلەمىن. كاسىبىم وزىمە ۇنايدى», دەيدى تىگىنشى.

كاسىپورىننىڭ ورتوپەديالىق جاستىق جاساپ شىعاراتىن تسەحىندا جەرگىلىكتى كوللەدجدىڭ تۇلەكتەرى جۇمىس ىستەپ جاتىر. تسەح قازىرشە تاۋلىگىنە 150 جاستىق شىعارادى. باعاسى كولەمىنە قاراي ءارتۇرلى: 9 مىڭ تەڭگەدەن 13 مىڭ تەڭگەگە دەيىن بارادى. تاياۋدا ارنايى سەرتيفيكاتقا يە بولعان فابريكا باسشىلىعى ەندى وبلىستىق اۋرۋحانانى نارىقتاعى باعادان ارزانىراق جاستىقتارمەن قامتاماسىز ەتۋ جاعىن قاراستىرىپ جاتىر.

ورتوپەديالىق جاستىق شىعارىپ جاتقان قۇرىلعىلارمەن جەڭىل كو­لىككە ارنالعان ورىندىقتاردى دا شىعارۋعا بولادى ەكەن. سوندىقتان كاسىپورىن قوستانايدا قۇراس­تى­رى­لىپ جاتقان جەڭىل اۆتو­كولىك ءون­دىرىسىنىڭ جەر­گى­لىكتى ۇلەسىن ارتتىرۋ ماقسا­تىن­دا «JAC S3», «Chevrolet وnix» اۆتو­موبيلدەرىنە ارنالعان ورىن­دىق­تاردى شىعارۋدى دا جوسپارلاپ قويعان. بۇل جوبا ساتىمەن جۇزەگە اسسا, تىگىن فابريكاسىنىڭ جانىنان جەڭىل اۆتوموبيلدەرگە ارنالعان ورىندىقتار شىعاراتىن تاعى ءبىر كاسىپورىن ىسكە قوسىلۋى مۇمكىن. بۇعان قالا اكىمدىگى مەن «دامۋ» قورى ەكى جاقتاپ قولداۋ كورسەتۋگە دايىن وتىر. جالپى, تىگىن فابريكاسىنىڭ عيماراتى دا مەملەكەت قولداۋىمەن سالىنعانىن ايتا كەتكەن ءجون. كا­سىپورىن عيماراتتى سالىپ شىعۋ ءۇشىن «دامۋ» كاسىپ­كەرلىكتى دامىتۋ قورى ارقىلى 350 ملن تەڭگە جەڭىل­دە­تىلگەن نەسيە العان.

ء«اۋ باستا بىزدە 12 عانا ادام جۇ­مىس ىستەدى. قاي جەردە كورمە ۇيىمداستىرىلىپ جاتسا, سول جەرگە بارىپ, ونىمدەرىمىزدى كورسەتىپ, كوپ ىزدەنۋگە تۋرا كەلدى. ءبىزدىڭ ەلى­مىزدە جەڭىل ونەركاسىپتىڭ دامۋىنا قولايلى جاعداي بار. تەك ءىس­تىڭ كوزى تابا ءبىلۋ كەرەك», دەيدى «ازۋريت» تىگىن فابريكاسىنىڭ باسشى­سى سۆەتلانا شيپيلكينا.

قوستاناي