سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى, ء«بىر ەل – ءبىر مۇددە» دەپۋتاتتىق توبىنىڭ جەتەكشىسى نۇرتورە ءجۇسىپ قازاقستان حالقى اسسامبلەياسى مەن «قازاق ءتىلى» حالىقارالىق قوعامى اراسىنداعى ىنتىماقتاستىق تۋرالى مەموراندۋمعا قول قويۋ راسىمىنە قاتىستى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
نۇرتورە ءجۇسىپ ەلىمىزدەگى قوعامدىق كەلىسىم مەن جالپىۇلتتىق بىرلىكتىڭ ەكوجۇيەسىن قالىپتاستىرۋدىڭ باستى قۇرالى رەتىندە قازاق ءتىلىنىڭ جوعارى ءرولى تۋرالى ايتىپ بەردى. سونداي-اق مەملەكەت باسشىسى قازاق ءتىلىنىڭ دامۋى مەن مارتەبەسىن ارتتىرۋ ماسەلەسىنە ەرەكشە نازار اۋدارىپ وتىرعانىن اتاپ ءوتتى.
«پرەزيدەنت قازاق ءتىلىنىڭ ءرولىن كۇشەيتۋ ماسەلەسىن بىرنەشە رەت كوتەرگەن بولاتىن. قازاق ءتىلى ۋاقىت وتە كەلە ۇلتارالىق قارىم-قاتىناس ءتىلى جانە ۇلكەن ساياسات قۇرالى بولۋعا ءتيىس ەكەنى اتاپ ءوتىلدى. مەملەكەت باسشىسىنىڭ وسى باعىتتاعى ساياسي باعىتىن ىسكە اسىرۋدىڭ ستراتەگيالىق ماڭىزى زور دەپ سانايمىن. شىنىندا دا, كورىپ وتىرعانىمىزداي, قازاق ءتىلى جاڭا كەلبەتكە يە بولىپ كەلەدى, ال ونىڭ سۇرانىسقا يە بولعانى دالەلدى قاجەت ەتپەيتىن فاكت. سونىمەن قاتار ءبىزدىڭ ءتىلىمىزدىڭ تانىمالدىعى تەك قازاقستاندا عانا ەمەس, ودان تىس جەرلەردە دە ارتىپ كەلەدى. الەمدىك قوعامداستىق ءبىزدىڭ تىلىمىزگە, مادەنيەتىمىزگە جانە تۇرمىسىمىزعا زور ىقىلاس تانىتۋدا. مەنىڭ ويىمشا, مۇنىڭ بارىنە پرەزيدەنتىمىزدىڭ اشىقتىق پەن ديپلوماتيا ساياساتى ىقپال ەتىپ وتىر. بۇگىنگى ءىس-شارا كوزدەگەن باعىتتى جۇزەگە اسىرۋداعى ماڭىزدى قادامداردىڭ ءبىرى – قازاق ءتىلىنىڭ ءرولىن كۇشەيتۋ دەپ سانايمىن», دەدى نۇرتورە ءجۇسىپ.
سەناتور سونىمەن قاتار مەملەكەت باسشىسى قويعان مىندەتتەر اياسىندا پارلامەنت ء«بىر ەل – ءبىر مۇددە» دەپۋتاتتىق توبى اتىنان مەملەكەتتىك ءتىلدى قولدانۋ اياسىن كەڭەيتۋدى كوزدەيتىن كەشەندى شارالار قولعا الىناتىنىن اتاپ ءوتتى.