ەكولوگيا جانە تابيعي رەسۋرستار ءمينيسترى ەرلان نىسانباەۆ ۇكىمەت وتىرىسىندا ناۋرىزدا اۋا رايى قانداي بولاتىنى تۋرالى ايتتى, دەپ حابارلايدى Egemen.kz.
- اقپاننىڭ ءۇشىنشى ونكۇندىگىندە سينوپتيكالىق بولجام بويىنشا, ەلدىڭ سولتۇستىك بولىگىندە اۋا تەمپەراتۋراسى تۇندە -5 گرادۋستان -15 گرادۋسقا دەيىن, كۇندىز 0 گرادۋستان -7 گرادۋسقا دەيىن جوعارىلاۋى كۇتىلەدى. ونكۇندىكتىڭ ەكىنشى جارتىسىندا اۋا تەمپەراتۋراسى -12 گرادۋستان -20 گرادۋسقا دەيىن, كۇندىز -3 گرادۋستان -12 گرادۋسقا دەيىن تومەندەيدى دەپ بولجانادى, - دەدى مينيستر.
ناۋرىزدىڭ ءۇشىنشى ونكۇندىگىندە ەلدىڭ وڭتۇستىك بولىگىندە اۋا تەمپەراتۋراسى تۇندە 0 گرادۋستان, -8 گرادۋسقا دەيىن, كۇندىز 0 گرادۋستان +8 گرادۋسقا دەيىن جىلىنادى دەپ كۇتەلەدى. ونكۇندىكتىڭ سوڭىندا اۋا تەمپەراتۋراسىنىڭ تۇندە 0 گرادۋستان +8 گرادۋسقا دەيىن, كۇندىز +5 گرادۋستان +15 گرادۋسقا دەيىن جوعارىلايدى دەپ ايتىلعان.
نىسانباەۆتىڭ مالىمەتىنشە, ەلدىڭ باسىم بولىگىندە جاۋىن-شاشىن قار, ەلدىڭ وڭتۇستىگىندە جاڭبىر, ىلعالدى قار تۇرىندەگى اۋا رايف بولادى دەپ كۇتىلىپ وتىر.