بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ (بۇدان ءارى – ەڭبەكمينى) كەڭەيتىلگەن القا وتىرىسىندا ۆەدومستۆو باسشىسى سۆەتلانا جاقىپوۆا ايتتى, دەپ حابارلايدى Egemen.kz.
ءمينيستردىڭ ايتۋىنشا وسى كۇندەرى باسقا ەلدەردە جۇمىس ىستەيتىن قازاقستان ازاماتتارىنىڭ ەڭبەك جانە الەۋمەتتىك قۇقىقتارىن قامتاماسىز ەتۋگە قاتىستى 8 جاڭا ۇكىمەتارالىق كەلىسىمگە قول قويۋ جۇمىستارى جۇرگىزىلىپ جاتىر.
«قازاقستاندى وڭتۇستىك كورەيانىڭ جۇمىسقا ورنالاسۋعا رۇقسات بەرۋ جۇيەسىنە (EPS) ەنگىزۋ بويىنشا ءتيىستى شارالار قابىلداندى», دەدى سۆەتلانا جاقىپوۆا.
سونىمەن قاتار مينيستر قازاقستان ازاماتتارىنىڭ شەتەلدە زاڭدى ەڭبەك قىزمەتىن ۇيىمداستىرۋ ءۇشىن جەكە جۇمىسپەن قامتۋ اگەنتتىكتەرىمەن ءوزارا ءىس-قيمىلدى قامتاماسىز ەتۋدى دە جوسپارلاپ وتىرعاندىقتارىن قوسا حابارلادى.