بۇگىن – ۇلتتىق باسىلىم كۇنى. 1913 جىلدىڭ 2 اقپانىندا ورىنبور قالاسىنان «قازاق» گازەتىنىڭ العاشقى سانى جارىق كورىپ, وقۋشى قاۋىمعا جول تارتتى. مادەنيەت جانە اقپارات ءمينيسترى ايدا بالاەۆا ۇلتتىق باسىلىم كۇنىمەن قۇتتىقتادى, دەپ جازادى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«2023 جىلى ۇكىمەت قاۋلىسىمەن 2 اقپان ۇلتتىق باسىلىم كۇنى بولىپ بەكىتىلدى. 111 جىل بۇرىن 2 اقپان كۇنى «قازاق» گازەتىنىڭ ءبىرىنشى ءنومىرى شىقتى. ونىڭ باستاۋىندا احمەت بايتۇرسىن ۇلى, ءاليحان بوكەيحان ۇلى, مىرجاقىپ دۋلات ۇلى سەكىلدى ۇلت زيالىلارى تۇردى. «قازاق» گازەتىندە مۇستافا شوقاي, سۇلتانماحمۇت تورايعىروۆ, ءسابيت دونەنتاەۆ, حالەل دوسمۇحامەدوۆ جانە تاعى باسقا تانىمال قوعام قايراتكەرلەرى ءوز ماقالالارىن جاريالادى. قازاق زيالىلارى قۇرعان گازەت ۇلتتىق جاڭعىرۋدىڭ قاينار كوزى بولدى. سول سەبەپتى وسى داتانى ۇلتتىق باسىلىم كۇنى رەتىندە اتاپ ءوتۋدىڭ ماڭىزى زور», دەدى مينيستر.