مامانداردىڭ بولجامىنا قاراعاندا, اقپان ايىندا ەلدىڭ باسىم بولىگىندە اۋانىڭ ورتاشا تەمپەراتۋراسى نورمادان 1-2° گرادۋس جوعارى, شىعىس قازاقستان وبلىسىندا, الماتى جانە جەتىسۋ وبلىستارىنىڭ وڭتۇستىك-شىعىس جارتىسىندا, تۇركىستان, جامبىل جانە اباي وبلىستارىنىڭ تاۋلى جانە تاۋ بوكتەرىندەگى ايماقتارىندا نورماعا جاقىن بولادى.
اقپان ايىندا قازاقستاننىڭ باسىم بولىگىندە جاۋىن-شاشىن مولشەرى كليمات نورماسىنا جۋىق بولادى دەپ بولجانىپ وتىر. تەك اتىراۋدا, قوستانايدىڭ سولتۇستىك جارتىسىندا, ەلدىڭ وڭتۇستىگى مەن وڭتۇستىك-شىعىسىنداعى تاۋلى جانە تاۋ بوكتەرىندەگى ايماقتاردا عانا بولجاندى. ەلدىڭ سولتۇستىك جارتىسىندا قار, وڭتۇستىك-باتىسىندا جانە وڭتۇستىك جارتىسىندا جاڭبىر جاۋىپ, بۇرقاسىن بولۋى ىقتيمال.
بولجامعا سايكەس, ەلدىڭ سولتۇستىك جارتىسىندا تۇمان ءتۇسىپ, كوكتايعاق بولادى. جەل كۇشەيەدى, بۇرقاسىن بولادى.
دالىرەك ايتقاندا, اقپان ايىنىڭ ءبىرىنشى ونكۇندىگىندە قار جاۋىپ, بۇرقاسىن بولادى.
«اقپان ايىنىڭ باسىندا رەسپۋبليكانىڭ وڭتۇستىك وبلىستارىنىڭ تاۋلى ايماقتارىندا كەي جەرلەردە قالىڭ قار جاۋادى. تۇراقسىز اۋا رايى تۇمانمەن جانە جەلدىڭ 15-28 م/س كۇشەيۋىمەن بىرگە جۇرەدى. اقپاننىڭ ءبىرىنشى ونكۇندىگىندە باتىستا, ونكۇندىكتىڭ ورتاسىندا قازاقستاننىڭ باسىم بولىگىندە اۋا تەمپەراتۋراسى كۇندىز وڭ مانگە دەيىن كوتەرىلەدى دەپ بولجانىپ وتىر. سولتۇستىك جارتىسىندا –3+2°س-قا دەيىن, وڭتۇستىك جارتىسىندا – +5+15°س-قا دەيىن», دەلىنگەن حابارلامادا.