پاۆلودار وبلىسىندا ويىققا قۇلاعان اۆتوبۋستىڭ بولجامدى ورنالاسقان تۇسىندا قازبا جۇمىستارى جۇرگىزىلىپ جاتىر. اتالعان جۇمىس بارىسىندا اۆتوبۋستىڭ سىنعان بولشەكتەرى, وتتەگى باللونى, تىنىس الۋ اپپاراتى, قۇتقارۋشىنىڭ سومكەسى تابىلدى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
جۇمىستاردى جۇرگىزۋ تاۋ جىنىستارىنىڭ تۇراقسىزدىعىنا جانە پايدا بولعان شۇڭقىردىڭ استىنداعى بوس ورىندارعا بايلانىستى توپىراقتىڭ ۇنەمى قوزعالۋى مەن سىرعۋىنا بايلانىستى قاۋىپسىزدىك ءۇشىن قۇتقارۋشىلاردىڭ شۇڭقىرعا ءتۇسۋىن جۇرگىزەتىن جانە ەكسكاۆاتور ءماشينيسىن ساقتاندىراتىن 4 كم الپينيستىك ارقان, الپينيستىك جابدىق, كينولوگيالىق ەسەپتەۋلەر قولدانىلدى.
جۇمىستار قيىن جاعدايدا جۇرگىزىلىپ جاتىر. قاتىسقان بارلىق مامانداردىڭ ومىرلەرىنە زور قاۋىپ بار. اۆتوبۋستىڭ بولجامدى ورنالاسقان جەرىندە بوس ورىنداردىڭ بولۋى مۇمكىن, ىزدەۋ جۇمىستارىن جۇرگىزۋ كەزىندە قايتا قۇلاۋ قاۋپى دە بار.
ناقتى ۋاقىت رەجيمىندە توپىراقتىڭ قوزعالىسىن باقىلاۋعا ارنالعان قۇرىلعى ورناتىلعان.