الەمنىڭ ەڭ بەدەلدى باسىلىمدارىنىڭ ءبىرى The New York Times جاڭا جىلدا قىدىرىپ بارۋعا بولاتىن جاھانداعى 52 تۋريستىك ءداستۇرلى ءتىزىمىن جاريالادى. وسىناۋ ايتۋلى ءتىزىمنىڭ ورتاسىنان ءبىزدىڭ الماتى ويىپ تۇرىپ ورىن الدى. دالىرەك ايتساق, تانىمال باسىلىمنىڭ نۇسقاسى بويىنشا الماتى قالاسى تىزىمدە 25-ورىندا تۇر.
بۇل اقجولتاي حاباردى ەلىمىزدىڭ تۋريزم جانە سپورت مينيسترلىگى جەتكىزدى. اتالعان باسىلىمنىڭ رەداكتسياسى الماتى قالاسى تۋرالى بىلاي جازىپتى: «الماتى ەكى ميلليون حالقى بار قازاقستاننىڭ ەڭ ءىرى قالاسى بولا تۇرا, بەيبىت, بىراق بەلسەندى شاھار اسەرىن قالدىرادى. ونىڭ مادەني ورتالىق رەتىندەگى مارتەبەسى گاسترونوميالىق ومىرىندە ايقىن كورىنەدى. ۇن, سۋ جانە ەتكە نەگىزدەلگەن «نەو-نومادتار» اسحاناسى گيپەر-زاماناۋي ستيلدە ۇسىنىلعان; ونى Auyl نەمەسە tör رەستوراندارىندا كورە الاسىز. Lanzhou Noodle مەيرامحاناسى قىتاي تاعامدارىن, ال Sensilyo Coffee نەمەسە JumpinGoat كافەلەرى كەرەمەت كوفە ۇسىنادى. كوك بازارداعى جەمىستەر مەن جاڭعاقتاردى تاماشالاڭىز, سودان كەيىن جاقىندا كەڭەس ءداۋىرى عيماراتىندا اشىلعان ۇلكەن ازىق-ت ۇلىك بازارىندا PlatformA-عا بارىڭىز».
«قازاقستان كەيىنگى جىلدارى الەمدىك باق رەيتينگىنە ءجيى ىلىگىپ كەلەدى جانە New York Times تىزىمىنە ەنۋ تۋريستەردىڭ ءبىزدىڭ ەلىمىزگە دەگەن قىزىعۋشىلىعىنىڭ ارتىپ كەلە جاتقانىن بىلدىرەدى», دەدى تۋريزم جانە سپورت ۆيتسە-ءمينيسترى ەرجان ەركىنباەۆ.
الماتى – بۇل رەيتينگكە ەنگەن ەلىمىزدەگى بىردەن-ءبىر قالا. بۇعان دەيىن 2017 جىلى ەكسپو كورمەسى قارساڭىندا قازاقستان وسى تىزىمگە ەنگىزىلگەن ەدى.