ءماجىلىس دەپۋتاتى, ەكونوميكالىق رەفورما جانە وڭىرلىك دامۋ كوميتەتىنىڭ توراعاسى نۇرتاي سابيليانوۆ اباي اۋدانىنداعى سايلاۋشىلارمەن كەزدەسۋ وتكىزدى.
دەپۋتات ن.سابيليانوۆ اياگوز قالاسىنىڭ تۇرعىندارىمەن كەزدەستى. جيىندا قالا تۇرعىندارى وزدەرىنىڭ كوكەيكەستى ماسەلەلەرىنە توقتالدى. سايلاۋشىلار الەۋمەتتىك تۇرعىن ۇيلەردىڭ ساپاسى, اۆتوبۋستاردىڭ كەشكى مەزگىلدە ەرتە توقتاپ قالۋى, اۋىز سۋ, كوشەلەردىڭ اتاۋىن وزگەرتۋ, قاڭعىباس يتتەردى اتۋعا رۇقسات بەرۋ, مەديتسينالىق ساقتاندىرۋ, گاز تارتۋ, جەدەل جاردەم ستانساسىن سەمەيدەن اياگوزگە كوشىرۋ, اۋەجاي سالۋ سىندى الەۋمەتتىك ماسەلەلەردى كوتەردى.
«بىرىنشىدەن, تۇرعىن ۇيمەن قامتۋ وتە وزەكتى. ەكىنشى ماسەلە – اۋىل شارۋاشىلىعىنداعى يگەرىلمەگەن جەرلەردى قايتارۋ. سونداي-اق ەلدى مەكەندەردى جوعارى ينتەرنەتپەن قامتۋ. كەي اۋىلداردا نە سۋ جوق, نە قارجىنىڭ يگەرىلۋىنىڭ ەسەبى جوق. مىسالى, اياگوز قالاسىندا تۇرعىن ۇيلەر سالىنعان, بىراق ساپاسى وتە ناشار ەكەن. قىستا سۋىق, وسى ماسەلە شەشىلسە دەپ وتىر. حالىقتىڭ كوتەرگەن ماسەلەلەرىن جازىپ الدىم, پارلامەنتكە بارعاندا كوتەرىلەدى. ءتيىستى زاڭدارعا وزگەرىستەر ەنگىزىلەدى», دەدى دەپۋتات.
ن.سابيليانوۆ سايلاۋشىلاردىڭ بارلىق سۇراعىنا جاۋاپ بەردى. ءماجىلىس دەپۋتاتىنىڭ ءوڭىر حالقىمەن كەزدەسۋلەرى جالعاسىپ جاتىر.
اباي وبلىسى