ەرەكشە بالالار ورتالىعى

باتىس قازاقستان وبلىستىق پەرزەنتحاناسىن­دا اشىلعان ەرتە ارالاسۋ ورتالىعى نەيروورتوپە­ديالىق كىناراتتارى مەن ولاردىڭ تۋىنداۋ قاۋپى بار بالالارعا ارنالعان. جاڭا مەكەمە ەڭ زاماناۋي جابدىقتارمەن جابدىقتالعان. بۇل جەر جىلىنا دەنساۋلىعىندا كىناراتى بار 3 جاسقا دەيىنگى 600 بالانى قامتي الادى. ورتالىققا «سامۇرىق-قازىنا» اق كومپانيالار توبىنىڭ بىرىڭعاي قايىرىمدىلىق وپەراتورى – «Samruk-Kazyna Trust» قورى ارقىلى 57 ملن تەڭگە قارجى بولىنگەن ەكەن.

بۇل – «سامۇرىق قازىنا» قورىنىڭ قار­جىلاندىرۋىمەن «قامقورلىق» جوباسى اياسىندا ورال قالاسىندا اشىلىپ وتىرعان ەكىنشى وڭالتۋ ورتالىعى. العاشقىسى 2019 جىلى 18 جاسقا دەيىنگى مۇمكىندىگى شەكتەۋلى بالالارعا باعىتتالعان بولاتىن.

ء«بىز بۇگىن قازاقستان بويىنشا ەرەكشە بالالار جانە ولاردىڭ اتا-انالارى ءۇشىن 34-ءشى وڭالتۋ ورتالىعىن اشىپ وتىرمىز. ەرتە ارالاسۋ وڭالتۋ ورتالىقتارىنىڭ ارتىقشىلىعى – دەنساۋلىعىندا كىناراتى بار بالالارعا ابيليتاتسيالىق وڭالتۋدى جۇرگىزۋ ارقىلى مۇگەدەكتىگىنىڭ الدىن الۋعا كومەك بەرۋ. بۇل ماقساتتا دارىگەرلەرمەن بىرلەسكەن ەڭبەك­تىڭ جەمىسىن اتا-انالار قاۋىمى لايىقتى باعا­لاي­­دى دەپ سەنەمىن. ال ءبىزدىڭ ۇلتتىق ءال-اۋقات قورى ينكليۋزيۆتى قوعامدى دامىتۋعا باعىتتالعان يگىلىكتى ءىسىن ءارى قاراي دا جالعاستىرا بەرەدى», دەدى «سامۇرىق-قازىنا» اق كورپوراتيۆتىك باسقارۋ, الەۋمەتتىك-ەڭبەك قاتىناستارى جانە ەڭبەكتى قورعاۋ جونىندەگى باسقارۋشى ديرەكتورى عيبرات اۋعانوۆ.

ەرتە ارالاسۋ ورتالىعىندا تسەرەبرالدى سال اۋرۋى, شالا تۋ, داۋن سيندرومى, دامۋىندا تۋا بىتكەن اقاۋلارى, بۇلشىق ەت ديستروفياسى, بوسانۋ جاراقاتتارى, قوزعالىس بۇزىلىستارى جانە جۇيكە جۇيەسىنىڭ باسقا دا اۋرۋلارى بار بالالار وڭالتۋدان وتەدى. بالالارمەن جۇمىس ىستەۋ ءۇشىن مەحانوتەراپيا جانە ەمدىك دەنەشىنىقتىرۋ زالى, سەنسورلىق, يممەرسيالىق ۆاننا, شۋنگيت جانە تۇز بولمەلەرى سىندى ءتيىمدى تەحنولوگيا ۇسىنىلعان. ەستۋ قابىلەتىن جانە باس ميىن زەرتتەۋگە ارنالعان دياگنوستيكالىق جابدىقتار دا بار.

جالپى, «Samruk-Kazyna Trust» الەۋمەتتىك جوبالاردى دامىتۋ قورى بقو اۋماعىندا كەيىنگى 5 جىل­دا جالپى سوماسى 360,5 ملن تەڭگەگە 7 جوبانى ىسكە اسىردى.

باتىس قازاقستان وبلىسى