«بولشايا وپەرانىڭ» جەڭىمپازى

– دىنمۇحامەد كوشكىنباەۆ – تازا ۆەرديلىك داۋىسقا يە دارىندى ورىنداۋشى. ونىڭ جوبادا ءوزىن تولىقتاي ەركىن ۇستاۋى مەنى ءتانتى ەتتى, – دەپ پىكىرىمەن ءبولىستى «بولشايا وپەرا» تەلەجوباسى قازىلار القاسىنىڭ مۇشەسى, الەمدىك وپەرا جۇلدىزى, ۆوكال ۇستازى مارينا مەششەرياكوۆا.

– ساحنادا ەشتەڭەدەن قىمسىنباي ونەر كورسەتۋ كەرەك. باستاپقىدا ول ماعان قاراپايىم, ۇيالشاق ادام سەكىلدى كورىندى, الايدا ول «بولشايا وپەرا» جوباسىندا ءوزىن تولىعىمەن اشتى. ساحنادا سومداعان ءاربىر بەينەسىندە ءوزىن ەركىن ۇستاپ, شىنايى ونەر كور­سەتتى.

دىنمۇحامەد كوشكىنباەۆ – astana opera حالىقارالىق وپەرا اكادەمياسىنىڭ تۇلەگى, بيبىگۇل تولەگەنوۆا بايقاۋىنىڭ باس جۇلدەگەرى, ەۆا مارتون تا­نىمال حالىقارالىق ۆوكاليس­تەر بايقاۋىنىڭ (ماجارستان) ءفي­­ناليسى. قاراشادا ءانشىنىڭ قورجىنىندا تاعى ءبىر بەدەلدى ماراپات پايدا بولدى – ورىنداۋشى ءۇشىنشى ورىن يەلەنىپ, Opera Crown Tbilisi حالىقارالىق ۆوكاليستەر بايقاۋىنىڭ ارنايى جۇلدەسىن الدى.

– «بولشايا وپەرا» جوبا­سىنداعى جەڭىس – مەن ءۇشىن ۇل­كەن وقيعا, شىعارماشىلىق مان­سابىمداعى ماڭىزدى كەزەڭ ءارى زور تاجىريبە. شىنىمدى ايتايىن, وعان قول جەتكىزۋ وڭاي بولعان جوق. ءاربىر شىعارىلىمعا جەكە سپەكتاكلدە ونەر كورسەتەتىندەي دا­يىن­دالۋ قاجەت بولدى, بەينەگە ەنۋ جانە ورىنداۋ ەڭ جوعارى دەڭگەيدە بولۋعا ءتيىس ەدى. مەن ءوزىم شەكسىز قۇرمەتتەيتىن جانە تامساناتىن قازىلار القاسىنىڭ الدىندا عانا ەمەس, سونىمەن قاتار ۇلكەن تەلەۆيزيالىق اۋديتوريانىڭ الدىندا ونەر كورسەتەتىنىمدى جەتە ءتۇسىندىم. سونداي-اق مەنىڭ ونەر كورسەتۋىمە قاراپ, كورەرمەندەردىڭ ءبىزدىڭ ەلىمىزدەگى ۆوكالدىق ونەر دەڭگەيىن باعالايتىنىن دا ءبىلدىم, – دەپ اتاپ ءوتتى دىنمۇحامەد كوش­كىنباەۆ.

بيىل «بولشايا وپەرا» جوباسىنا قاتىسۋعا 300-گە جۋىق ۇمىتكەر ءوتىنىم جولداعان, ال قازىلار ال­قاسىنىڭ قۇرامىنا ا.پۋشكين اتىنداعى نيجەگورودسك وپەرا جانە بالەت تەاترى وپەرا ترۋپ­پاسىنىڭ جەتەكشىسى مەدەيا ياسو­نيدي, وپەرا ءانشىسى مارينا مە­ششەرياكوۆا, ديريجەر ماركو بوەمي, «گەليكون-وپەرانىڭ» كوركەمدىك جە­تەكشىسى دميتري بەرتمان ەندى.