قازاقستاننىڭ بىرنەشە وڭىرىندە رەسپۋبليكالىق ماڭىزى بار تاس جولداردىڭ كەيبىر ۋچاسكەسىندە كولىك قوزعالىسىنا شەكتەۋ ەنگىزىلدى. بۇعان اۋا رايىنىڭ قولايسىزدىعى سەبەپ بولىپ وتىر, دەپ حابارلايدى Egemen.kz.
«قازاۆتوجول» ۇك اق ۇسىنعان دەرەككە سايكەس, 8 وبلىستا رەسپۋبليكالىق ماڭىزى بار اۆتوجولداردىڭ 31 ۋچاسكەسىندە كولىك قوزعالىسىنا ۋاقىتشا شەكتەۋ ەنگىزىلدى. ولار:
اقمولا وبلىسى – 14 ۋچاسكە; جامبىل وبلىسىندا – 1 ۋچاسكە; جەتىسۋ وبلىسىندا – 1 ۋچاسكە; قاراعاندى وبلىسىندا – 3 ۋچاسكە; قوستاناي وبلىسىندا – 5 ۋچاسكە; سولتۇستىك قازاقستان وبلىسىندا – 5 ۋچاسكە; تۇركىستان وبلىسىندا – 1 ۋچاسكە; ۇلىتاۋ وبلىسىندا – 1 ۋچاسكە.ايتا كەتسەك, جوعارى اتالعان وڭىرلەردە كولىكتىڭ بارلىق تۇرىنە شەكتەۋ ەنگىزىلدى.
قازىرگى ۋاقىتتا رەسپۋبليكالىق ماڭىزى بار اۆتوجولداردا 407 تەحنيكا جۇمىس ىستەپ جاتىر.