بۇگىن سەناتتىڭ جالپى وتىرىسىندا بيبىگۇل اققوجينا دەپۋتات رەتىندە انت بەردى, دەپ حابارلايدى Egemen.kz.
«قازاقستان حالقىنا ادال قىزمەت ەتۋگە, قازاقستاننىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىنا قاتاڭ باعىنۋعا, دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن», دەدى ب. اققوجينا.
سونىمەن قاتار وتىرىس بارىسىندا دەپۋتات ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى قۇرامىنا سايلاندى.
ەسكە سالساق, 26 جەلتوقساندا ورتالىق سايلاۋ كوميسسياسىنىڭ «قوستاناي وبلىسىنان پارلامەنت سەناتىنىڭ شىعىپ قالعان دەپۋتاتىنىڭ ورنىنا 2023 جىلعى 20 جەلتوقساندا سايلانعان دەپۋتاتتى تىركەۋ تۋرالى» قاۋلىسىن قابىلداۋ بويىنشا وتىرىسى ءوتتى.
وسى ورايدا بيبىگۇل بۇركىتقىزى اققوجينا سەنات دەپۋتاتى رەتىندە تىركەلدى.