قر توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى راميل كامالوۆ استانا جانە الماتى قالاسىندا ءداستۇرلى جاڭا جىلدىق وتشاشۋدى اتقىلايتىن قاۋىپسىز جەرلەر انىقتالىپ جاتقانىن ايتتى, دەپ جازادى Egemen.kz.
«ارينە, ءداستۇرلى جاڭاجىلدىق وتشاشۋ بولادى. سونىمەن قاتار 24-28 جەلتوقسان ارالىعىندا جاڭاجىلدىق ەرتەڭگىلىكتەر, ونىڭ ىشىندە وبلىس, رەسپۋبليكالىق ماڭىزى بار قالالار جانە استانا اكىمدەرىنىڭ قاتىسۋىمەن وتەدى. ال پرەزيدەنت شىرشاسى الدىن الا 29 جەلتوقسانعا جوسپارلانعان», دەدى راميل كامالوۆ.
ورتكە قارسى قىزمەت كوميتەتىنىڭ توراعاسى وتشاشۋ كەزىندەگى قاۋىپسىزدىكتى ساقتاۋ, وقىس وقيعالاردىڭ الدىن الۋ ءۇشىن جىلجىمالى ارنايى تەحنيكا, كەزەكشى بريگادالار مەن ينجەنەرلىك-ينسپەكتورلىق قىزمەتكەرلەردىڭ ءىس-شارالار جوسپارى مەن ءتيىستى كەزەكشىلىك كەستەسى جاسالاتىنىن جەتكىزدى.