قازاقستاندا كولىك باعاسى ارزانداپ جاتىر

«قازاقستان اۆتوكولىك وداعى» كوممەرتسيالىق ەمەس ۇيىمى ۇسىنعان اقپاراتقا سايكەس, قاراشا ايىنىڭ سوڭىندا قازاقستاندا اۆتوكولىكتىڭ ورتاشا باعاسى 14 ميلليون 810 مىڭ تەڭگەگە دەيىن تومەندەگەن. بۇل كورسەتكىش 2022 جىلدىڭ قاراشا ايىندا 15 ملن 160 مىڭ تەڭگە بولعان ەدى.

ايتا كەتسەك, بيىلعى قاراشادا ەلىمىزدە 17 538 جەڭىل جانە جەڭىل كوممەرتسيالىق كولىك, 1 429 جۇك كولىگى مەن اۆتوبۋس ساتىلدى. بۇل 2022 جىلعى قاراشامەن سالىستىرعاندا 54,1%-عا كوپ.

2023 جىلعى قاراشاداعى جاعداي بويىنشا قازاقستاندا ەڭ كوپ ساتىلعان اۆتوموبيل برەندتەرى:

Chevrolet (4243 اۆتوموبيل, جىلىنا +35,7%); Hyundai (3605, +16,9%); Kia (2101, +22,3%); Toyota (1252, +79,4%); Chery (1218, +58,8%).

قاراشا ايىنداعى ەڭ تانىمال مودەلدەر:

Chevrolet Cobalt; Hyundai Tucson; Chevrolet Onix; Hyundai Santa Fe; Chery Tiggo 2.