سينوپتيكتەر الداعى ءۇش تاۋلىككە ارنالعان اۋا رايى بولجامىن جاريالادى. بولجامعا سايكەس, الداعى ءۇش كۇندە قازاقستاننىڭ باسىم بولىگىندە جاۋىن-شاشىنسىز اشىق اۋا رايى ساقتالادى, دەگەنمەن ايازدى كۇندەر قايتا باستالادى, دەپ حابارلايدى Egemen.kz.
قازاقستاننىڭ شىعىسى اركتيكالىق انتيتسيكلوننىڭ ىقپالىندا بولادى. سوندىقتان مۇندا ايازدى تەمپەراتۋرا ازىرگە تۇرا بەرەدى. 15-16 جەلتوقساندا اتموسفەرالىق فرونتتاردىڭ اسەرىنەن رەسپۋبليكانىڭ باتىسىندا, وڭتۇستىگىندە جانە وڭتۇستىك-شىعىسىندا قار جاۋادى.
رەسپۋبليكانىڭ باتىسىندا, وڭتۇستىگىندە جانە وڭتۇستىك-شىعىسىندا جەل كۇشەيىپ, بوران سوعادى, تاۋلى ايماقتاردا تۇمان تۇسەدى, رەسپۋبليكانىڭ باتىسىندا شاڭدى داۋىل تۇرادى.
«اۋا تەمپەراتۋراسى تۇندە بىرتە-بىرتە كوتەرىلەدى. باتىستا — 5-15 گرادۋس اياز, سولتۇستىك-باتىستا جانە ورتالىقتا — 10-25 گرادۋس اياز, سولتۇستىكتە — 17-28 گرادۋس, وڭتۇستىكتە — 5-18 گرادۋس, وڭتۇستىك-شىعىستا — 10-25 گرادۋس ايازعا دەيىن جىلىنادى», دەيدى ماماندار.
دەسە دە, قازاقستاننىڭ شىعىسىندا 30-40 گرادۋس اياز ساقتالادى.