29 قاراشا كۇنى الماتىدا جوعالعانى تۋرالى اقپارات تاراعان 34 جاستاعى ازاماتتىڭ مۇردەسى تالعاردان تابىلدى, دەپ حابارلايدى Egemen.kz الماتى قالالىق پوليتسيا دەپارتامەنتىنىڭ ءباسپاسوز قىزمەتىنە سۇيەنىپ.
ۇيىنەن شىعىپ كەتىپ, قايتا ورالماعان تيمۋر پوپوۆتى ىزدەۋ ماقساتىندا قۇرىلعان جەدەل-ىزدەستىرۋ توبى ونىڭ جۇرگەن باعىتىن انىقتاپ, 1989 جىلى تۋعان ازاماتتىڭ تالعار قالاسىنا بارعانىن ناقتىلاعان. بۇگىن پوليتسيا قىزمەتكەرلەرى ت.پوپوۆتىڭ تەلەفوننان ايەلىنە «SOS» دابىلىن جولداعان جەردەن 1,5 شاقىرىم قاشىقتاعى «تالعار» وزەنىنىڭ اڭعارىن سۇزە قاراپ, ونىڭ ءمايىتىن تاپتى.
ادام ءولىمىنىڭ سەبەبىن انىقتاۋ بويىنشا سوت-مەديتسينالىق ساراپتاما تاعايىندالدى.