تەكسەرىستىڭ باستالۋىنا «كوشپەندىلەر» كينوجوباسى اياسىندا سالىنعان «تۇركىستان» بەكىنىسىنىڭ 44 ەسە تومەن باعادا ساتىلۋى تۇرتكى بولعان. بۇل تۋرالى انتيكوردىڭ رەسمي وكىلى ارمان تىلەۋكەنوۆ مالىمدەدى, دەپ جازادى Egemen.kz.
«2017 جىلى الماتى وبلىسىنداعى ىلە وزەنى جاعاسىندا «كوشپەندىلەر» كينوجوباسى اياسىندا سالىنعان «تۇركىستان» بەكىنىسى مادەنيەت جانە سپورت مينيسترلىگىنىڭ بۇرىنعى باسشىلىعىمەن ۇلەستەس كوممەرتسيالىق ۇيىمعا نارىقتىق باعادان 44 ەسەگە تومەن ساتىلدى. قازىرگى كەزدە وسى اكتيۆتى جانە جەر ۋچاسكەسىن مەملەكەتكە قايتارۋ بويىنشا ءىس-شارالار قولعا الىندى», دەدى ارمان تىلەۋكەنوۆ.
رەسمي وكىل وسى قىلمىسقا ەكس-مينيستر ارىستانبەك مۇحامەدي ۇلىنىڭ قاتىسى بار-جوعى تەكسەرىلىپ جاتقانىن راستادى.