مەملەكەت باسشىسى قاسىم-جومارت توقاەۆتىڭ شاقىرۋىمەن 9 قاراشا كۇنى رەسەي فەدەراتسياسىنىڭ پرەزيدەنتى ۆلاديمير پۋتين استاناعا رەسمي ساپارمەن كەلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«ساپار بارىسىندا ەكى ەل باسشىلارى كەلىسسوز جۇرگىزىپ, قازاقستان مەن رەسەي اراسىنداعى ستراتەگيالىق سەرىكتەستىكتىڭ وزەكتى ماسەلەلەرىن تالقىلايدى دەپ جوسپارلانىپ وتىر», دەلىنگەن اقپاراتتا.
ەكى ەلدىڭ پرەزيدەنتتەرى قوستاناي قالاسىندا وتەتىن قازاقستان مەن رەسەيدىڭ XIX وڭىرارالىق ىنتىماقتاستىق فورۋمىنا بەينەبايلانىس رەجيمىندە قاتىسادى.