قىزىلوردا وبلىسىنا قاراستى سىرداريا, شيەلى اۋداندارى اكىمدەرىن سايلاۋ ءوتىپ جاتىر. وسى ورايدا سىرداريالىق 102 جاستاعى مايدانگەر ياحيا تاسىروۆ العاشقىلاردىڭ ءبىرى بولىپ داۋىس بەردى, دەپ جازادى Egemen.kz.
اۋدان دامۋىنا نەگىز بولار ساياسي ناۋقانعا ءار ادام بەي-جاي قاراماۋ قاجەتتىگىن ءھام ەلگە قىزمەت ەتەتىن ازاماتتى تاڭداۋ ماڭىزدى ءسات ەكەنىن ايتقان ارداگەر ءوز تاڭداۋىنان كەيىن باتاسىن بەردى.
اتالعان وبلىستىڭ سايلاۋ كوميسسياسىنىڭ مالىمەتىنشە سىرداريادا 22 مىڭ 101, شيەلىدە 50 مىڭ 402 سايلاۋشى تىركەلگەن. داۋىس بەرۋ كەشكى ساعات 20.00-گە دەيىن جالعاساتىنى ءمالىم.