جاستىقتىڭ جارقىن ورداسى

كەرەمەت جاڭالىقتى ستۋدەنتتەر كوپتەن كۇتكەن ەدى. ۋني­ۆەر­سيتەت رەكتوراتى كوپ­تەن جوس­پار­­لاعان, وبلىس باسشىلىعى­نىڭ قولداۋىن تاپقان, كەزىندە «Amanat» پارتياسىنىڭ ساي­لاۋالدى باعدارلاماسىنا دا ەنىپ, ەلگە ۋادە ەتىلگەن جوبا اقى­رى ساتىمەن جۇزەگە استى. بۇل قۇرى­لىس ەلىمىزدىڭ عىلىم جانە جوعا­رى ءبىلىم مينيسترلىگىنىڭ دە ەرەكشە نازارىندا بولدى. ستۋدەنتتەر ءۇيىن تابىس ەتكەن سالتاناتتى جيىندا عىلىم جانە جوعارى ءبىلىم ءمينيسترى ساياسات نۇربەك تە قۇتتىقتاۋ لەبىزىن الەۋمەتتىك جەلى ارقىلى ونلاين جولدادى.

– بۇگىندە ۋنيۆەرسيتەتتە 500 ورىندىق جاڭا ستۋدەنتتەر ءۇيى اشىلدى. ۋنيۆەرسيتەت رەسپۋب­ليكا بويىنشا تۇڭعىش رەت ءوز قا­را­جاتىنا ستۋدەنتتەر ءۇيىن تۇر­عىز­دى. بۇل تاجىريبەنى الداعى ۋا­قىت­تا وزگە دە جوعارى وقۋ ورىن­­­دارى جالعاستىرادى دەگەن سەنىم­­دەمىز. بوي كوتەرگەن جاتاق­حانا­­نىڭ مۇمكىندىكتەرى وراسان, – دەدى مينيستر ءوز سوزىندە.

ايتا كەتەيىك, جاڭا عيمارات زاماناۋي ينفراقۇرىلىممەن تولىق جابدىقتالعان. ءار سەكتسيادا اسحانا, جاتىن جانە جۋى­نۋ بولمەلەرى بار. سونىمەن قاتار مۇمكىندىگى شەكتەۋلى ستۋ­­دەنتتەرگە لايىقتالىپ 16 ورىن جاساقتالعان. سونداي-اق مۇن­دا فيتنەس زالى, ءدارىحانا, مەدي­تسينالىق پۋنكت, كافەتەري, مۇعا­لىمدەر مەن كەزەكشىلەرگە ارنال­عان بولمەلەر بار. جاتاق­حانا اۋماعى دا تولىق اباتتاندىرىلىپ, سپورت قۇرالدارى قويىلعان الاڭمەن قامتىلعان.

مينيستر ءوز سوزىندە ۋنيۆەرسيتەتپەن تىعىز بايلانىس ورناتىپ, قۇرىلىس نىسانىنىڭ ءساتتى اياقتالۋىنا اتسالىسقان باتىس قازاقستان وبلىسىنىڭ اكىمى ناريمان تورەعاليەۆكە, مەردىگەر «Beta Services» كومپانياسىنىڭ باسشىسى بەكبولات شكانوۆقا جانە ۋنيۆەرسيتەت باسشىلىعىنا العىس ايتتى.

– بۇل جاتاقحانانىڭ ىرگەتاسى قالانعان كۇننەن باستاپ, ۋنيۆەرسيتەت ءاربىر كىرپىشتىڭ ءتۇزۋ قالانىپ, ساپالى ستۋدەنتتەر ءۇيى­نىڭ سالىنۋىنا نازار اۋداردى. ءبىز ءۇشىن ەڭ باستىسى – ستۋدەنتتەردىڭ جايلى قونىستا جاقسى ءبىلىم الۋىنا جاعداي جاساۋ. وسى جولى جاتاقحاناعا ورنالاسۋ تارتىبىنە وزگەرىستەر ەنگىزگىمىز كەلدى. ەندىگى كەزەكتە تۇرعىندار بىردەن ءتورت جىلعا قونىستانادى. بۇل ءبىرىنشى كەزەكتە, الداعى جىلدارعا دەگەن سەنىمدى نىعايتسا, ەكىنشى جاعى ستۋدەنتتەردىڭ كوشىپ-قونۋىنا قولايلى بولماق. ۇشىنشىدەن, ءبىر ورىندا ۇزاق ۋاقىت تۇرۋ ارقىلى جاستاردىڭ ءوز تۇرعىن جايىنا, مۇلكىنە جوعارى جاۋاپكەرشىلىك تانىتاتىندارىنا سەنىمدىمىن, – دەيدى ۋنيۆەرسيتەتتىڭ باسشىسى نۇرلان سەرعاليەۆ.

پرەزيدەنت قاسىم-جومارت توقاەۆتىڭ «ادىلەتتى قازاقستان – ءبارىمىز جانە ارقايسىسىمىز ءۇشىن. قازىر جانە ءاردايىم» سايلاۋالدى باعدارلاماسىنىڭ 89-تارماعىندا «ستۋدەنتتىك جاتاقحاناداعى ورىن تاپشىلىعى ماسەلەسىن شەشۋ» تاپسىرىلعان بولاتىن. «Amanat» پارتياسىنىڭ 2023-2027 جىلدارعا ارنالعان «حالىقپەن بىرگە» سايلاۋالدى باعدارلاماسىندا دا «جاستارمەن ءبىر تولقىندا» سۇرانىسىنا سايكەس «جاستاردىڭ ءومىر ءسۇرۋ جاعدايىن جاقسارتۋ» جوسپارى ەنگىزىلگەن. وسىنىڭ ءبارى ءبىلىم قۋعان جاستاردىڭ جاعدايى ۋاقىت وتكەن سايىن جاقسارا تۇسەتىنىنە سەنىم ۇيالاتادى. قازىر­دىڭ وزىندە ماحامبەت ۋنيۆەرسي­تە­تىنىڭ 1 526 ستۋدەنتى جاتاقحانا­مەن قام­­تىلعان. ءبىلىم ورداسى الداعى ۋا­قىتتا جەرگىلىكتى كاسىپكەر­لەردىڭ كومەگىمەن تاعى دا جاڭا عيمارات قۇرىلىسىن قولعا الماقشى.

– ماحامبەت ۋنيۆەرسيتەتى – وڭىردەگى الەۋمەتتىك, ەكونو­ميكالىق, ەكولوگيالىق ماسە­لە­لەردى شەشۋ جولدارىن زەردە­لەيتىن عىلىمي ورتالىق. عىلىم مەن يننوۆاتسيا سالاسىنداعى جەتىستىكتەرى دە جىل سايىن ارتىپ, جاس عالىمداردىڭ تانىمال­دىعىنا جول اشىپ كەلەدى. بۇل – ارينە, رۋحى بەرىك, بىرلىگى بەكەم ۋنيۆەرسيتەت ۇجىمىنىڭ ەرەن ەڭبەگىنىڭ جەمىسى. وبلىستا وسى كەزگە دەيىن جوعارى مەديتسينالىق كوللەدج, يندۋستريالدى كوللەدج ستۋدەنتتەرىن جاتاقحانامەن قامتىدىق, بۇرىنعى ترانسفورماتور زاۋىتىنىڭ عيماراتىن جوندەپ, تۇرعىندارعا باسپا­نا سىيلادىق. ودان سوڭ پوليتەح­نيكالىق كوللەدجگە جاتاقحانا سالىپ بەردىك. بۇگىن مىنە, ماحام­بەت وتەمىس ۇلى اتىنداعى باتىس قازاقستان ۋنيۆەرسيتەتى جانىنان 500 ورىنعا ارنالعان ستۋدەنتتەر ءۇيىن سالىپ وتىرمىز. جاستار وقۋعا دەن قويىپ, ەلىمىزدىڭ اتىن اسقاقتاتۋعا زور ۇلەس قوسادى دەپ سەنەمىن, – دەدى وبلىس اكىمى ناريمان تورەعاليەۆ.

باتىس قازاقستان وبلىسى