ساعات 15:00-دەگى جاعداي بويىنشا 42 ادامنىڭ دەنەسى تابىلدى, 4 كەنشىنى ىزدەۋ جالعاسىپ جاتىر. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
اپاتتى جويۋ جونىندەگى رەسپۋبليكالىق جەدەل شتابتىڭ باسشىسى توتەنشە جاعدايلار ءمينيسترى گەنەرال-مايور سىرىم ءشارىپحانوۆ شاحتاعا ءتۇسۋ جۇمىستارىن جۇرگىزدى. ءورت جانە كەنشىلەردىڭ قازا بولعان جەرلەرىن تەكسەرۋ جۇرگىزىلدى.
تاۋ-كەن قۇتقارۋشىلارى قاجەتتى جابدىقتارمەن جانە بايلانىس قۇرالدارىمەن قامتاماسىز ەتىلگەن. گاز جاعدايىن باقىلاۋ جالعاسىپ جاتىر. ىزدەستىرۋ-قۇتقارۋ جۇمىستارىنا بارلىعى «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» جشس قاراعاندى فيليالىنىڭ 55 تاۋ-كەن قۇتقارۋشىسى جانە 15 تەحنيكاسى جۇمىلدىرىلدى.
شۇعىل مەديتسينالىق كومەكتى قامتاماسىز ەتۋ ءۇشىن 21 ادام جانە 7 بىرلىك جەدەل مەديتسينالىق جاردەم تەحنيكاسى جۇمىلدىرىلدى.