ولەڭتى قۋانىشقا بولەندى

– بيىل ءبىز تەرەكتى اۋدانىنا قاراستى بارباستاۋ اۋىلىندا جانە بايتەرەك اۋدانىنداعى قاينار اۋىلىندا وسىنداي نىسان اشىپ, حالىق يگىلىگىنە بەرگەن ەدىك. بۇگىن ءۇشىنشى نىسان ولەڭتى اۋىلىندا اشىلىپ جاتىر. جىل سوڭىنا دەيىن تاعى 9 نىساندى پايدالانۋعا بەرەمىز. اۋىلداعى مۇنداي دەنساۋلىق ساقتاۋ ورىندارى حالىقتىڭ دەر كەزىندە سكرينينگ وتۋىنە, سول ارقىلى كوپتەگەن اۋرۋدىڭ الدىن الۋعا سەپتىگىن تيگىزەدى دەپ ەسەپتەيمىز,  دەيدى وبلىستىق دەنساۋلىق ساقتاۋ باسقارماسىنىڭ باسشىسى ەرلان توقسانوۆ.

قۇرىلىس جۇمىسىنا قازى­نا­دان 292 ملن تەڭگە بو­لىنگەن. جالپى كولەمى 324 شارشى مەتر­لىك نىسان قۇرىلىسىن «فيرما يسكوم» كومپانياسى ءۇش اي ىشىندە سالىپ شىققان.

جاڭا عيماراتتا ستاندارتقا ساي فەلدشەر, اكۋشەر كابينەت­تەرى, پروتسەدۋرالىق, زارارسىز­دان­دىرۋ, ەگۋ بولمەلەرى, وقشاۋ­لاعىش, فيلتر, شارۋاشىلىق-تۇرمىستىق ءۇي-جايلار, حيميزاتور ت.ب. كابينەتتەر جاساق­تالعان. قىزمەتكە قاجەتتى مە­دي­تسينالىق قوندىرعىلار – گي­نەكولوگيالىق كرەسلو, 2 تو­ڭازىتقىش, كۆارتس-لامپالار, ولشەۋ قۇرالدارى, اكۆاديستيلياتور, قۇرعاتقىش شكاف, كۋشەت­كالار, مانيپۋلياتسيالىق ۇستەل, مەديتسينالىق شكاف, جيھاز جانە كەڭسە تەحنيكاسىمەن تو­لىق جابدىقتالعان. مۇندا 2 مەيىر­گەر, 1 كىشى بۋىن قىزمەت­كەرى قىزمەت ەتپەك.

ولەڭتى اۋىلىندا 950 تۇرعىن بار. اۋدان ورتالىعىنىڭ ىرگە­سىندە ورنالاسقان ەلدى مەكەن تۇر­عىندارىنىڭ 235-ءى – 14 جاسقا دەيىنگى بالالار. جىل باسىنان بەرى مۇندا 10 ءسابي دۇنيەگە كەلىپتى. 7 ايەلدىڭ اياعى اۋىر. قاتەرلى ىسىك جانە تۋبەركۋلەز اۋرۋلارى تىركەلمەگەن. بولاشاقتا اۋىل تۇرعىندارىنىڭ دەنساۋلىق ساپاسى بۇدان دا جاقساراتىنىنا كەپىلدىك بار. ويتكەنى جاڭا نىسان قاجەت كەزىندە كۇنى-ءتۇنى قىز­­مەت كورسەتىپ, اۋىل تۇرعىن­دا­رىنىڭ دەنساۋلىعى ءۇشىن ايانباي جۇمىس ىستەۋگە دايار وتىر.

– وسىنداي فەلدشەرلىك-اكۋشەرلىك پۋنكت ءبىزدىڭ اۋىلعا اۋاداي قاجەت ەدى. رەسپۋبليكا كۇنى قارساڭىندا اۋىلىمىزعا ۇلكەن سىيلىق بولدى. بۇل وتانىمىزدىڭ اۋىل حالقىنا دەگەن قامقورلىعى دەپ سەزىنەمىز. ارالاپ شىقتىم, جارقىراپ تۇر! بارلىق كابينەتى بار, وتە كەرەمەت جابدىقتالعان. قۋانىشىمىزدا شەك جوق! حالقىمىز ريزا, دەيدى اۋىل تۇرعىنى ءماريام سارسەنعاليەۆا. اۋىلدىڭ بايىر­عى تۇرعىنى بۇگىنگى سالتاناتقا تويعا كەلگەندەي سالتاناتپەن, ۇلتتىق كيىممەن كەلىپتى.

شىنىندا دا ولەڭتى اۋىلى ءۇشىن جاڭا نىساننىڭ اشىلۋى قۋانىشتى مەرەكە رەتىندە اتالىپ ءوتتى. سالتاناتتى جيىنعا وبلىستىق دەنساۋلىق ساقتاۋ باس­قارماسىنىڭ باسشىسى ەرلان توقسانوۆ, وبلىستىق قۇرىلىس باسقارماسى باسشىسىنىڭ ورىنباسارى نۇركەن مولداشەۆ, سى­­رىم اۋدانىنىڭ اكىمى جۇ­ماگەلدى باتىرنيازوۆ, اۋدان­دىق ءماسليحات حاتشىسى شىنار دۇيسەنعاليەۆا, «يسكوم» جاۋاپكەرشىلىگى شەكتەۋلى سەرىك­تەستىگىنىڭ ديرەكتورى رافيگ ما­­مەدوۆ, اۋداندىق قوعامدىق كەڭەس توراعاسى اسحات دۇيسەن­عاليەۆ, تاعى باسقالارى قاتىستى.

– ولەڭتى اۋىلىنىڭ حالقى ۇلتتىق مەرەكەمىز رەسپۋبليكا كۇنى قارساڭىندا دەنساۋلىق ساقتاۋ سالاسىنداعى تاعى ءبىر يگى ءىستىڭ كۋاسى بولىپ وتىر. «اۋى­رىپ ەم ىزدەگەنشە, اۋىر­ماي­تىن جول ىزدە» دەپ دانا حال­قىمىز ايتقانداي, ءبىز ءۇشىن ەڭ باستىسى – ادامنىڭ ءومىرى مەن ونىڭ دەنىنىڭ ساۋلىعى. بۇل مەديتسينالىق نىسان سىزدەرگە تەك اۋرۋدىڭ الدىن الۋ ءۇشىن قىز­مەت ەتۋىنە تىلەكتەسپىن, دەدى اۋدان باسشىسى جۇماگەلدى جول­­دىباي ۇلى.

باتىس قازاقستان وبلىسى