پرەمەر-ءمينيستردىڭ ءبىرىنشى ورىنباسارى رومان سكليار يكاو ەۋروپالىق جانە سولتۇستىك اتلانتيكالىق بيۋروسىنىڭ وڭىرلىك ديرەكتورى نيكوليا راللو مىرزامەن كەزدەستى.
2023 جىلعى 16-20 قازان ارالىعىندا قر كم ازاماتتىق اۆياتسيا كوميتەتىنىڭ شاقىرۋىمەن حالىقارالىق ازاماتتىق اۆياتسيا ۇيىمىنىڭ (يكاو) ەۋروپالىق جانە سولتۇستىك اتلانتيكالىق بيۋروسىنىڭ وڭىرلىك ديرەكتورى نيكولاس راللو مىرزا قازاقستان رەسپۋبليكاسىنا رەسمي ساپارىمەن كەلدى.
ساپار اياسىندا ن.راللو قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى رومان سكليارمەن كەزدەسۋ وتكىزدى. كەزدەسۋ بارىسىندا تاراپتار قازاقستان رەسپۋبليكاسى مەن يكاو اراسىنداعى ىنتىماقتاستىقتىڭ وزەكتى ماسەلەلەرىن تالقىلادى. حالىقارالىق ازاماتتىق اۆياتسيا ۇيىمىنىڭ (يكاو) ەۋروپالىق جانە سولتۇستىك اتلانتيكالىق بيۋروسىنىڭ وڭىرلىك ديرەكتورىنىڭ ەلىمىزدىڭ ۇشۋ قاۋىپسىزدىگى مەن اۆياتسيالىق قاۋىپسىزدىكتى قامتاماسىز ەتۋ جونىندەگى جۇمىستاعى ىلگەرىلەۋىن اتاپ ءوتتى.
وسىلايشا, يكاو ءاۋديتىنىڭ ناتيجەلەرى بويىنشا قازاقستاننىڭ ۇشۋ قاۋىپسىزدىگىن قامتاماسىز ەتۋ دەڭگەيى 82%-عا دەيىن ارتىپ وتىر. بۇل الەمدىك ورتاشا كورسەتكىشتەن 13 پايىزعا جوعارى. سونىمەن قاتار قازاقستاننىڭ ازاماتتىق اۆياتسيانى باسقارۋ جۇيەسىن رەفورمالاۋ سالاسىنداعى وڭ ىلگەرىلەۋ بايقالاتىنىنا نازار اۋدارىلدى. كەزدەسۋ بارىسىندا نيكولاس راللو يكاو ۇشۋ قاۋىپسىزدىگى مەن اۆياتسيالىق قاۋىپسىزدىكتى, جولاۋشىلار ءۇشىن اۋە كولىگىنىڭ قولجەتىمدىلىگىن قامتاماسىز ەتۋ, سونداي-اق اۋە تاسىمالى نارىعىن ىلگەرىلەتۋ بويىنشا قازاقستاندا جۇرگىزىلىپ جاتقان بارلىق رەفورما مەن باستامانى قولدايتىنىن ايتىپ جەتكىزدى.
سونىمەن بىرگە كەزدەسۋ شەڭبەرىندە قازاقستان رەسپۋبليكاسىندا ازاماتتىق اۆياتسيا سالاسىن ودان ءارى دامىتۋ ماقساتىندا ۇشۋ قاۋىپسىزدىگىنىڭ ۇلتتىق جوسپارىن ازىرلەۋ جانە بەكىتۋ, اۆياتسيا سالاسىنا ارنالعان پەرسونالدى وقىتۋ, اۆياتسيالىق وقيعالاردى تەرگەۋ جۇيەسىن نىعايتۋ ماڭىزدىلىعى اتاپ ءوتىلدى.
كەزدەسۋ سوڭىندا پرەمەر-ءمينيستردىڭ ءبىرىنشى ورىنباسارى رومان سكليار ازاماتتىق اۆياتسيانى دامىتۋ جونىندەگى باستامالار ودان ءارى جالعاساتىنىن ايتىپ ءوتتى. كەزدەسۋ قورىتىندىسى بويىنشا ەكى تاراپ تالقىلانعان ماسەلەلەر بارىسىندا جەمىستى ىنتىماقتاستىقتى جالعاستىرۋعا كەلىستى.