جاستاردى قولداۋعا جۇمىلعان

اباي وبلىستىق جاستار رە­سۋرس­تىق ورتالىعىنىڭ دي­رەك­تو­رى ايدوس تولەۋحانوۆتىڭ اي­تۋىنشا, گرانت جوباسىنىڭ ەڭ جوعا­رى سوماسى 1 ميلليون تەڭگە. «Zhasproject» جوباسىنا 18-35 جاس ارالىعىنداعى جاستار قاتى­سىپ, باقتارىن سىناي الادى. دەگەنمەن قويىلاتىن تالاپتارى دا بار. جۇمىسسىز مارتەبەسى بار جاستار بولسا, از قامتىلعان وتباسىلاردان شىققان, جەتىم جانە مۇمكىندىگى شەكتەۋلى ازامات بولسا نازارعا الىنادى. بۇدان وزگە مۇگەدەك بالانى تاربيەلەپ وتىرعان اتا-انالارعا, سونداي-اق «التىن القا» جانە «كۇمىس القا» ماراپاتىن العان كوپبالالى انا­لارعا ەرەكشە باسىمدىق بەرىلەدى.

اباي وبلىسى بويىنشا 8 جەڭىم­پاز انىقتالادى. قازىر وتىنىم­­دەردى قابىلداۋ باستالىپ كەتتى. اياقتالۋ مەرزىمى 23 قازان­عا مەجەلەنگەن. ناتيجەسى الدا­عى قاراشا ايىنىڭ 1-ءى كۇنى جا­ري­يا­لانىپ, جەڭىمپازدارعا گرانت بەرۋ 15 جەلتوقسانعا دەيىن جۇرگىزىلەدى.

«1 ميلليون تەڭگەنى ۇتىپ الۋ – جاستار ءۇشىن جاقسى مۇمكىندىك. «Zhasproject» جوباسى سەمەيدە 2018 جىلى جۇزەگە اسىرىلعان. جاس­تاردىڭ كوبىنە جاقسى تانىس دەۋگە دە بولادى. ەڭ باستىسى – جوبانىڭ الەۋمەتتىك باعىتى مەن ماڭىزى زور. باستى شارت – باي­قاۋعا قاتىسۋشى ۇمىتكەرلەر اباي وبلىسىندا تۇراقتى تىر­كەۋدە تۇرۋعا ءتيىس», دەيدى جاستار رەسۋرس­تىق ورتالى­عى­نىڭ ديرەكتورى ا.تولەۋحانوۆ.

بۇعان دەيىن دە وسىعان ۇقساس جوبانى ءوز ماقساتىمەن ۇشتاس­تىرىپ, جۇرت قىزىعاتىن جاقسى ءىس باستاعان­دار بار ەكەن. ايتالىق, اباي اۋدا­نى­نىڭ قاراۋىل اۋىلىندا تۇراتىن ايدىن سەرىك­قازين قىمىز­دان بال­مۇزداق تۇرلەرىن جاساپ, وتاندىق نارىققا شىعارۋعا جول تاۋىپتى. جاسى 25-كە ەندى كەلگەن ازامات الداعى جوسپارلارىمەن دە ءبولىستى.

«سەمەيدەگى قارجى-ەكونومي­كا­لىق كوللەدجىن بىتىرە سالىسىمەن «اتامەكەن» كاسىپكەرلەر پالا­تا­سىنىڭ ۇيىمداستىرۋىمەن «جاس كاسىپكەر» باع­دارلاماسىنا قاتىسىپ, 200 اەك مولشەرىندەگى گرانتتى جەڭىپ الىپ, 2019 جىلدىڭ سوڭىنا قاراي كاسىبىمدى باستادىم. قىمىزدان جانە ساۋمالدان بالمۇزداق تۇرلەرىن شىعارۋدى قولعا العانىما كوپ ۋاقىت بولا قويماسا دا قازىرگى كۇندە سۇرانىس ارتىپ كەلەدى. الماتى, بالقاش قالالارىندا جانە اباي اۋدا­نىندا تۇراقتى ساتىلىمعا قويىلعان. «Qazice» دەپ اتالاتىن, ياعني قازاق­تىڭ بالمۇزداعى دەگەن ماعىنا بەرە­تىن بۇل بالمۇزداققا ەشقانداي كون­سەرۆانت قوسىلمايدى. قازىر بال­مۇزداقتىڭ 18 ءتۇرىن شىعارامىز. تازا قىمىز بەن ساۋمالدىڭ وزىنەن جا­سالادى. بولاشاقتا شەتەلگە شى­عارساق دەگەن ويىمىز بار», دەيدى جاس كاسىپكەر ا.سەرىكقازين.

«جاس كەلسە – ىسكە» دەگەندەي, تىڭ باستامالاردى قولعا الۋمەن قاتار وتاندىق نارىقتىڭ دامۋىنا ءوز ۇلەستەرىن قوسۋعا ۇمتىلعان جاس­تار­دى مۇنداي مەملەكەتتىك قولداۋ تۇر­عى­سىنداعى مۇمكىن­دىكتەر ءالى دە تا­لاي يگى ىستەرگە جەتە­لەي بەرەتىنى انىق.

اباي وبلىسى