سىبايلاس جەمقورلىققا قارسى ءىس-قيمىل اگەنتتىگى دەنساۋلىق ساقتاۋ سالاسىنداعى جەمقورلىق تاۋەكەلدەرىنە سىرتقى تالداۋدى باستادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
تالداۋ شەڭبەرىندە مەديتسينالىق بۇيىمداردى ساتىپ الۋ, اۋرۋحانالار مەن ەمحانالاردى سالۋ جانە جوندەۋ, سونداي-اق مەديتسينالىق مەكەمەلەر قىزمەتكەرلەرىنىڭ ەڭبەگىنە اقى تولەۋ قورى جانە «سق-فارماتسيا» جشس قىزمەتى ماسەلەلەرى زەرتتەلەدى.
تالداۋ اگەنتتىكتىڭ, دەنساۋلىق ساقتاۋ مينيسترلىگىنىڭ, مۇددەلى مەملەكەتتىك ورگانداردىڭ قىزمەتكەرلەرىمەن جانە ازاماتتىق قوعام وكىلدەرىمەن جۇرگىزىلەدى.
«ەگەر سىزدە سىبايلاس جەمقورلىق تاۋەكەلدەرى تۋرالى اقپارات بولسا نەمەسە دەنساۋلىق ساقتاۋ سالاسىن جەتىلدىرۋ بويىنشا ۇسىنىستار بولسا ولاردى ەلەكتروندىق پوشتاعا جىبەرۋىڭىزگە بولادى abdrakhmanov.n@antikor.gov.kz» دەلىنگەن ANTIKOR حابارلاماسىندا.